அமெரிக்காவினால் இலங்கை இராணுவ பொறியியல் பாடசாலைக்கு வெடிபொருள் அகற்றல் பயிற்சி உபகரணம்

இருதரப்பு பாதுகாப்பு ஒத்துழைப்பின் குறிப்பிடத்தக்க அடையாளமாக, இலங்கைக்கான அமெரிக்க தூதரகம் 2025 ஜூன் 30, அன்று இலங்கை இராணுவ பொறியியல் பாடசாலைக்கு வெடிபொருள் அகற்றல் பயிற்சி உபகரணங்களின் ஒரு தொகுதியை அதிகாரப்பூர்வமாக நன்கொடையாக வழங்கியது. எம்பிலிப்பிட்டியவில் அமைந்துள்ள பொறியியல் பாடசாலை வளாகத்தில் நடைபெற்ற இந்த கையளிப்பு விழா, அமெரிக்காவிற்கும் இலங்கைக்கும் இடையிலான வளர்ந்து வரும் பாதுகாப்பு மற்றும் தொழில்நுட்ப ஒத்துழைப்பில் ஒரு குறிப்பிடத்தக்க மைல்கல்லைக் குறிக்கின்றது. இது பிராந்திய பாதுகாப்பு மற்றும் இராணுவ தொழில்முறைக்கு பகிரப்பட்ட உறுதிப்பாடாகும்.

பொறியியல் பாடசாலைக்கு முறையான கோரிக்கைக்கு பதிலளிக்கும் விதமாக இந்த நன்கொடை வழங்கப்பட்டது. இது வெடிபொருள் அகற்றல் பாடத்திட்டத்தின் செயல்பாட்டுத் தயார்நிலையை மேம்படுத்த நவீன, கள-தொடர்புடைய பயிற்சி உபகரணங்களுக்கான முக்கியமான தேவையை அடையாளம் கொண்டுள்ளது. இலங்கை இராணுவ பொறியியல் படைப்பிரிவு மற்றும் தலைமை கள பொறியியல் அலுவலகத்தின் நெருக்கமான ஆலோசனையுடன் கொள்முதல் செயல்முறை ஒருங்கிணைக்கப்பட்டது. இது பொருட்களை சரியான நேரத்தில் மற்றும் திறம்பட வழங்குவதை உறுதி செய்தது.

இந்த சம்பிரதாயபூர்வ கையளிப்பு நிகழ்வில் அமெரிக்க இராணுவத்தைச் சேர்ந்த நான்கு சிரேஷ்ட அதிகாரிகள் கலந்து கொண்டனர். இந்த திட்டத்தின் மூலம் இரு நாடுகளுக்கும் இடையிலான பாதுகாப்பு கூட்டாண்மையின் தொடர்ச்சியான வலிமை மற்றும் மூலோபாய ஆழத்தை எடுத்துகாட்டுகின்றது. இந்த நிகழ்வை இலங்கை இராணுவ பொறியியல் பாடசாலையின் தளபதி கேணல் ஜேஎசீஎஸ் ஜாகொட பீஎஸ்சீ, பாடசாலையின் அதிகாரிகள் மற்றும் ஊழியர்கள் முழு இராணுவ சம்பிரதாயத்துடன் நடாத்தினர். அவர்கள் வருகை தந்த அமெரிக்க தூதுக்குழுவை மரியாதையுடன் வரவேற்றனர்.

இந்த உத்வேகத்தை மேலும் வலுப்படுத்தும் வகையில், அமெரிக்க தூதுக்குழு, அமெரிக்க இராணுவ பசிபிக் கட்டளையுடன் இணைந்து 2025 ஜூலை 21 முதல் 25, வரை இலங்கை இராணுவ பொறியியல் பாடசாலையில் முதலாவது தந்திரோபாய போரில் பாதிக்கப்பட்டவர்கள் பராமரிப்பு பாடநெறியை வெற்றிகரமாக நடாத்தியது.

இந்த முக்கியமான பயிற்சி முயற்சி, போர் சூழ்நிலைகளில் இலங்கை இராணுவ பொறியாளர்களின் மருத்துவ தயார்நிலை மற்றும் உயிர்வாழும் தன்மையை மேம்படுத்துவதற்கான மற்றொரு முக்கிய படியாகும்.

சாஜன்ட் கைல் மூர், சாஜன்ட் டெய்லர் மைக்கேல் மற்றும் சிப்பாய் முதல் வகுப்பு மார்கோ ரோச்சா உள்ளிட்ட அனுபவம் வாய்ந்த பயிற்றுனர்கள் உயிர் காக்கும் போர்க்கள நுட்பங்களில் அத்தியாவசிய நடைமுறை பயிற்சியை வழங்கினர்.

பரந்த வெடிபொருள் அகற்றல் நிலை 01 பயிற்சித் திட்டத்தின் ஒரு அடிப்படை அங்கமாக, தந்திரோபாய போரி பாதிக்கப்பட்டவர்கள் பராமரிப்பு பாடநெறி, உயர் அழுத்த செயல்பாட்டு சூழல்களில் உடனடி மருத்துவ சேவையை வழங்குவதற்குத் தேவையான முக்கியமான திறன்களுடன் பொறியியல் படையினர் தயார்படுத்துகின்றது.

இந்த முயற்சிகள், சிறப்பு வெடிபொருள் அகற்றல் பயிற்சி உபகரணங்களை நன்கொடையாக வழங்குதல் மற்றும் தந்திரோபாய போரில் பாதிக்கப்பட்டவர்கள் பராமரிப்பு பாடநெறியை வெற்றிகரமாக முடித்தல் ஆகியவை இலங்கைக்கும் அமெரிக்காவிற்கும் இடையிலான ஆழமான பாதுகாப்பு உறவுகளை எடுத்துக்காட்டுகின்றன.