8th April 2026
මහනුවර Hill Country Sports Shooting Club සහ ශ්රී ලංකා ජාත්යන්තර ප්රායෝගික වෙඩි තැබීමේ සම්මේලනය සමඟ එක්ව සංවිධානය කරන ලද 'Sharp Shooters 2026' – Level II වෙඩි තැබීමේ තරගාවලිය 2026 මාර්තු මස 26 සිට 29 දක්වා පවත්වන ලදී. මේ සඳහා ත්රිවිධ හමුදා සාමාජිකයින් මෙන්ම සිවිල් වෙඩික්කරුවන් ද සහභාගී වූහ.
ජාත්යන්තර ප්රමිතීන්ට අනුකූලව දැඩි ආරක්ෂිත ක්රමවේද යටතේ මෙම තරගාවලිය පැවැත්විණි. එහිදී ෂොට්ගන්, රයිෆල්, හෑන්ඩ්ගන් සහ පිස්තෝල කැලිබර් කාබයින් යන අංශ යටතේ වෙඩික්කරුවන්ගේ නිරවද්යතාව, වේගය, අවි පරිහරණය සහ උපක්රමික දක්ෂතාවයන් පරීක්ෂා කෙරෙන අභියෝගාත්මක අදියර රැසක් ඇතුළත් විය.
මෙම තරගාවලියේදී ශ්රී ලංකා යුද්ධ හමුදා වෙඩික්කරුවන් අංශ කිහිපයකින්ම ප්රමුඛස්ථාන දිනා ගනිමින් සුවිශේෂී දක්ෂතා ප්රදර්ශනය කළහ. ඔවුන්ගේ මෙම ජයග්රහණ මගින් ඔවුන් සතු වෘත්තීය මට්ටම, විනය සහ ඉහළ ඉලක්ක ගත කිරීමේ හැකියාව මැනවින් පිළිබිඹු වූ අතර, එය තරගකාරී වෙඩි තැබීමේ ක්ෂේත්රය තුළ යුද්ධ හමුදාව සතු පිළිගැනීම තවදුරටත් තහවුරු කළේය. තරගාවලිය පුරා යුද්ධ හමුදා වෙඩික්කරුවන් ශූරතාවන් රැසක් දිනා ගැනීමට සමත් විය.
