ශ්‍රී ලංකා යුද්ධ හමුදා බුද්ධි අංශයට ලද තොරතුරක් මත නීති විරෝධී සිගරට් තොගයක් සමඟ පුද්ගලයෙකු අත්අඩංගුවට

2025 ඔක්තෝබර් මස 11 දින ශ්‍රී ලංකා යුද්ධ හමුදා බුද්ධි අංශයට ලැබුණු තොරතුරු මත ජයවර්ධනපුර පොලිස් විශේෂ කාර්ය බලකායේ නිලධාරීන් සමඟ එක්ව කැළණිය ප්‍රදේශයේ ඒකාබද්ධ වැටලීමක් සිදු කරන ලදී.

මෙම මෙහෙයුමේදී, කැළණිය ප්‍රදේශයේ පදිංචි පුද්ගලයෙකු සන්තකයේ නීති විරෝධී දුම්වැටි තොග 87ක් (සම්පූර්ණ සිගරට් ප්‍රමාණය 17,400ක්) සමඟ අත්අඩංගුවට ගෙන ඇති අතර, එහි වටිනාකම ආසන්න වශයෙන් රුපියල් 1,560,000.00 ක් වන අතර, තවද එම පුද්ගලයා සතුව මෝටර් රථයක්ද තිබී ඇත.

මෙම සිද්ධිය සම්බන්ධයෙන් තවදුරටත් පරීක්ෂණ කැළණිය පොලීසිය විසින් සිදු කරනු ලබයි.