කූරගල සහ බණ්ඩාරවෙල ප්‍රදේශයන්හි ඇති වූ ලැව්ගිනි මැඩපැවැත්වීම සඳහා යුද්ධ හමුදා භටපිරිස්හි දායකත්වය

61 පාබල සේනාංකයේ සේනාංකාධිපතිගේ උපදෙස් මත කූරගල ප්‍රදේශයේ පිහිටි පිහිඹියගොල්ල රක්‍ෂිතයේ 2025 ජුනි මස 03 දින ඇති වූ ලැව්ගින්න මැඩපැවැත්වීම සඳහා 18 බලඇණිය ශ්‍රී ලංකා ජාතික ආරක්‍ෂක බලමුළුවේ භටපිරිස් සිය දායකත්වය ලබාදුන්හ.

මේ අතර, 11 පාබල සේනාංකයේ සේනාංකාධිපතිගේ අධීක්‍ෂණය මත 23 බලඇණිය විජයබාහු පාබල රෙජිමේන්තුවේ භටපිරිස් බණ්ඩාරවෙල, දෝව විහාරස්ථානය අසල ඇති වූ තවත් ලැව්ගින්නක් මැඩපැවැත්වීම සඳහා සිය සහයෝගය ලබාදුන් අතර එම භටපිරිස් කඩිනමින් ක්‍රියාත්මක වීම තුළින් ගින්න සාර්ථකව මැඩපැවැත්වීමට හැකියාව ලැබිණි.