21st March 2026
අභාවප්රාප්ත බ්රිගේඩියර් ජේ.එෆ්. හලංගොඩ ජ්යෙෂ්ඨ නිලධාරි වෙත උපහාර කිරීමේ පිණිස සංවිධානය කරන ලද සමාරම්භක අනුස්මරණ දේශනය, 2026 පෙබරවාරි මස 21 දින ජෙනරාල් සර් ජෝන් කොතලාවල ආරක්ෂක විශ්වවිද්යාලයේ පශ්චාත් උපාධි අධ්යයන පීඨ ශ්රවණාගාරයේදී පවත්වන ලදී.
ආරක්ෂක නියෝජ්ය අමාත්ය මේජර් ජෙනරල් කේ.පී.ඒ. ජයසේකර (විශ්රාමික) මෙම අවස්ථාවට ප්රධාන ආරාධිත අමුත්තා ලෙස සහභාගී විය.
උත්සවයේ ප්රධාන ආරාධිත අමුත්තා 58 පාබල සේනාංකයේ සේනාංකාධිපති සහ ගැමුණු හේවා බලකායේ රෙජිමේන්තු අධිපති මේජර් ජෙනරල් ඒ.එම්.ඒ. අබේවර්ධන ජ්යෙෂ්ඨ නිලධාරි විසින් පිළිගනු ලැබීය.
ප්රධාන ආරාධිත අමුත්තා සහ අනෙකුත් සම්භාවනීය අමුත්තන් විසින් බ්රිගේඩියර් හලන්ගොඩ ජ්යෙෂ්ඨ නිලධාරිගේ පිළිරුවට පුෂ්පෝපහාර පුද කරන ලදී. අනුස්මරණ දේශනය පැවැත්වීමට ප්රථම, විශ්රාමික මේජර් ජෙනරල් ලලින් ප්රනාන්දු වෙත අනුස්මරණ දේශන පදක්කම පිරිනැමූ අතර, එහිදී අභාවප්රාප්ත බ්රිගේඩියර්වරයාගේ විශිෂ්ට සේවය, නායකත්වය සහ ජාතික ආරක්ෂාව මෙන්ම රෙජිමේන්තු සම්ප්රදායන් වෙනුවෙන් ඉටුකළ දායකත්වය පිළිබඳව කරුණු අවධාරණය කළේය.
මෙම වැඩසටහන අවසානයේදී, දේශකයා වෙත සමරු තිළිණයක් පිරිනමන ලදී. හිටපු යුද්ධ හමුදාධිපති ජෙනරල් ජී.එච්. ද සිල්වා (විශ්රාමික), ගැමුණු හේවා බලකායේ ජ්යෙෂ්ඨ විශ්රාමික නිලධාරීන්, බ්රිතාන්ය ආරක්ෂක උපදේශක කර්නල් කේත් මිල්ස් සහ අභාවප්රාප්ත බ්රිගේඩියර් ජේ.එෆ්. හලංගොඩ පුත් බ්රිගේඩියර් එච්.එන්. හලංගොඩ (විශ්රාමික) ඇතුළු පවුලේ සාමාජිකයන් ද, ජ්යෙෂ්ඨ නිලධාරීන් සහ සේවා වනිතා ඒකකයේ සාමාජිකාවන් ද මෙම අවස්ථාවට සහභාගී වූහ.
