ශ්‍රී ලංකාවේ පිහිටි බ්‍රිතාන්‍ය මහා කොමසාරිස් කාර්යාලයේ ආරක්ෂක උපදේශක රාජකීය නාවික හමුදා කපිතාන් ස්ටුවර්ට් බෝලන්ඩ් බ්‍ර‍හස්පතින්දා (16) දින හමුදාපති කාර්යාලයේ දී යුද හමුදාපති ලුතිතන් ජෙනරාල් ක්‍රිෂාන්ත ද සිල්වා හමුවිය. එම සුහද හමුවේ දී කපිතාන් ස්ටුවර්ට් බෝලන්ඩ් සහ යුද හමුදාපතිතුමා අතර අන්නොන්‍ය වැදගත්කමකින් යුත් කරුණු කිහිපයක් පිළිබඳව අදහස් හුවමාරු කර ගැනීම ද සිදුවිය. මෙම සාකච්ජාව අවසානයේ දී හොඳ හිත සහ මතකයන් සිහිගන්වමින් ඔවුන් අතර සමරු තිළිණ හුවමාරුවක් ද සිදුකෙරිනි.