611 බලසේනාවේ භට පිරිස් විසින් මඩු රක්ෂිතයෙන් නීති විරෝධි ලෙස කපන ලද තවත් බුරුත කඳන් තොගයක් බදාදා (01) දින සොයාගන්නා ලදි. එම ප්‍රදේශයේ පා මුර රාජකාරියේ යෙදී​ සිටිය දී 611 බලසේනාවේ කමාන්ඩෝ රෙජිමේන්තු භට පිරිසක් වෙත බුරුත කඳන් 17 ක් සමඟින් අයිතිකරුවන් නොමැති ට්‍රැක්ටරයක් සහ ටේලරයක් හමු වී ඇත. ඒ අනුව, භට පිරිස් විසින් ප්‍රදේශයේ වන සංරක්ෂණ නිලධාරීන් වෙත දැනුම් දීමෙන් පසු අදාල බුරුත කඳන් තොගය ඉදිරි නීතිමය කටයුතු සඳහා භාරදීම සිදුකෙරිනි. පසුගිය මාස 03 ක කාලය තුල වන්නි ආරක්ෂක සේනා මූලස්ථානයට අයත් භට පිරිස් විසින් වන සංරක්ෂණ දෙපාර්තමේන්තු නිලධාරීන්ගේ සහාය ද ඇතිව 04 වතාවකට වැඩි වාර ගණනක් එවැනිම කොටන් තොගයන් අත්අඩංගුවට ගන්නා ලදි.