ශ්‍රී ලංකාවේ පිහිටි ඉරාන තානාපති කාර්යාලයේ නව හමුදා උපදේශක ලෙස පත් වූ කර්නල් ඊබ්‍ර‍හිම් රොහානි අද (20) පෙරවරුවේ යුද හමුදා මූලස්ථානයේ දී යුද හමුදාපති ලුතිතන් ජෙනරාල් ක්‍රිෂාන්ත ද සිල්වා හමු වුවේය. ශ්‍රී ලංකාව සහ ඉරානය යන දෙරටටම බලපාන වැදගත් සහ කාලෝචිත කරුණු පිළිබඳව මෙන්ම වසර ගණනාවක සිට පැවති සබඳතා පිළිබඳව ද මෙම දෙපාර්ශවය අතර කරුණු සාකච්ඡා විය. මෙම හමුව අවසානයේ සමරු තිළිණ හුවමාරුවක් ද සිදු කෙරිනි. නව ඉරාන හමුදා උපදේශක සමඟින් ධූරයෙන් නික්ම යන හිටපු ඉරාන හමුදා උපදේශක ජ්‍යෙෂ්ඨ කර්නල් මොහොමඩ් රේසා ශහාලි මෙම අවස්ථාවට එක්වූවේය.