මෙරට සංචාරයක නියුතු ඉන්දීය යුද හමුදා මාණ්ඩලික ප්‍රධානි ජෙනරාල් ඩල්බිර් සිං අද (30) දින පස්වරුවේ පාර්ලිමේන්තු සංකීර්ණයේ දී ගරු අග්‍රාමාත්‍ය රනිල් වික්‍රමසිංහ මහතා හමු වූ අතර ඒ සඳහා ශ්‍රී ලංකාවේ ඉන්දීය මහකොමසාරිස් යශ්වර්ධන් කුමාර් මහතා ද එක්වූවේය. පාර්ලිමේන්තු පරිශ්‍රයේ දී සිදු වූ මෙම හමුව සඳහා නිතිය සහ සාමය සහ දක්ෂීණ සංවර්ධන පිළිබද අමාත්‍ය සාගල රත්නායක සහ යුද හමුදාපති ලුතිතන් ජෙනරාල් ක්‍රිෂාන්ත ද සිල්වා ද එක්වූහ. මෙම හමුවේ දී සිදු වූ සාකච්ඡාවේ දී දෙරට හමුදා අතර සම්බන්ධතා පිළිබඳව සහ ඒවා තවදුරටත් වර්ධනය කර ගැනීම පිළිබඳව මෙහි දී අවධානය යොමු කෙරිනි. මෙහි දී විශේෂ සමරු තිළිණයක් ද ඉන්දීය හමුදා ප්‍රධානි වෙත පිරිනැමීය. මෙරටට පැමිණි ඉන්දීය නියෝජිත පිරිසේ බ්‍රිගේඩියර් ගෝපාල් ගුරාන්, කර්නල් අමිතාබ් ජා සහ කපිතාන් එන්.කේ සරස්වත් ද මෙම සාකච්ඡාවට එක්වූහ.