22nd November 2025
අයහපත් කාලගුණය හේතුවෙන් ගාල්ල සහ මාතර දිස්ත්රික්කවල ඇති වූ දැඩි ගංවතුර තත්ත්වය හේතුවෙන්, උසස් පෙළ විභාගය සඳහා පෙනී සිටිනු ලබන පාසල් සිසුන් සඳහා අවශ්ය ප්රවාහන පහසුකම් ලබා දීමට ශ්රී ලංකා යුද්ධ හමුදාව කටයුතු කළ අතර, එමඟින් එම සිසුන්ට ප්රමාදයකින් තොරව තම විභාග මධ්යස්ථාන වෙත ළඟා වීමට හැකි විය.
නෙළුව-දෙල්ලාව මාර්ගයේ මීටර් 150 කට ආසන්න දුර ප්රමාණයක් අඩි තුනක් පමණ ජලයෙන් යට වී තිබූ අතර, ජලයෙන් යට වූ කොටස හරහා ගමන් කරන පදිංචිකරුවන්ට සහ සිසුන්ට උපකාර කිරීම සඳහා යුද්ධ හමුදාව විසින් යුද්ධ හමුදා ට්රක් රථ සහ ට්රැක්ටර් යෙදවීමට පියවර ගන්නා ලදී.
ඒ හා සමානව, අකුරැස්ස-සියඹලාගොඩ මාර්ගයේ මීටර් 200 ක් පමණ දුරක් අඩි තුනක පමණ ආසන්නව ජලයෙන් යට වී තිබූ අතර, ඒ හරහා ගමන් කරන සිසුන් සහ මහජනතාව සඳහා ආරක්ෂිතව ගමන් කිරීමට යුද්ධ හමුදාව විසින් යුනිබෆල් රථයන් යොදවන ලදී.
පවතින අයහපත් කාලගුණික තත්ත්වය මධ්යයේ වුවද, ශ්රී ලංකා යුද්ධ හමුදාව විසින් ආපදාවන්ගෙන් පීඩාවට පත් මහජනතාවට අවශ්ය සහයෝගය ලබා දෙමින්, මහජන ආරක්ෂාව සහ සුභසාධනය කරනු ලබයි.
