5th March 2026
இலங்கை இராணுவ கல்வியற் கல்லூரியின் 4வது முகாமைத்துவ குழுக் கூட்டம் 2026 பெப்ரவரி 26 ஆம் திகதி நடைபெற்றது. இந்த அமர்விற்கு இராணுவ பதவி நிலை பிரதானியும் குழு தலைவருமான மேஜர் ஜெனரல் டி.கே.எஸ்.கே.தொலகே யூஎஸ்பீ என்பீஎஸ் பீஎஸ்சீ அவர்கள் தலைமை தாங்கினார்.
வருகை தந்த பதவி நிலைப் பிரதானியின் வாகன தொடரணிக்கு மரியாதை வழங்கப்பட்டது. பின்னர் இலங்கை இராணுவ கல்வியற் கல்லூரியில் ஒரு குழுப்படம் எடுத்துக் கொண்டார்.
பின்னர் அவர் சீன-லங்கா நட்புறவு மண்டபத்தில் பயிலிளவல் அதிகாரிகளுக்கு தலைமைத்துவம், நேர்மை, தொழிற்துறை மற்றும் நவீன செயற்பாட்டு சூழல்களில் போர் நடைமுறைகளில் தேர்ச்சி பெறுதல் குறித்து ஒரு ஊக்கமளிக்கும் உரையை நிகழ்த்தினார். அவரது உரை எதிர்கால இராணுவத் தலைவர்களுக்குத் தேவையான அத்தியாவசிய மதிப்புகளை வலுப்படுத்தியது. அவர் இலங்கை இராணுவ கல்வியற் கல்லூரியின் கல்வி வளங்களை மேலும் வளப்படுத்தும் வகையில் நூலகத்திற்கு மதிப்புமிக்க புத்தகங்களின் தொகுப்பை நன்கொடையாக வழங்கினார்.
தொடர்ந்து இலங்கை இராணுவ கல்வியற் கல்லூரியின் முறையான முகாமைத்துவ குழுக் கூட்டம் நடைபெற்றது. இலங்கை இராணுவ கல்வியற் கல்லூரியின் தளபதியின் வரவேற்புடன் நிகழ்ச்சி ஆரம்பமாகியது. அவர் கல்வியற் கல்லூரியின் சமீபத்திய முன்னேற்றம் மற்றும் எதிர்கால திட்டங்களை எடுத்துரைத்தார்.
பொதுப்பணி பணிப்பாளர் நாயகம் மேஜர் ஜெனரல் பீ.ஆர். பத்திரவிதான யூஎஸ்ஏடபிள்யூசீ பீஎஸ்சீ, ஆராய்ச்சி மற்றும் கோட்பாடு பணிப்பகத்தின் பணிப்பாளர் மேஜர் ஜெனரல் ஜி.டி.ஜே.சி. பிரேமதிலக்க யூஎஸ்பீ பீஎஸ்சீ, இலங்கை இராணுவ கல்வியற் கல்லூரியின் தளபதி பிரிகேடியர் எம்.எம்.டி. பண்டார யூஎஸ்பீ ஏயூஎஸ்டபிள்யூசீ பீஎஸ்சீ, பயிற்சி பணிப்பகத்தின் பணிப்பாளருக்கு பதிலாக கேணல் பயிற்சி கேணல் எம்.எச்.எம்.சி.கே. விஜேகோன் டபிள்யூடபிள்யூவீ ஆர்டபிள்யூபீ ஆர்எஸ்பீ யூஎஸ்பீ என்டியூ பீஎஸ்சீ, பாதீடு மற்றும் நிதி முகாமைத்துவ பணிப்பகத்தின் பணிப்பாளர் பிரிகேடியர் எம்.கே.எஸ்.எஸ். டி சில்வா, ஆளணி நிர்வாக பணிப்பகத்தின் பணிப்பாளர் பிரிகேடியர் ஏ.பி.ஏ.டி.டி. தர்மகீர்த்தி ஆர்டபிள்யூபீ ஆர்எஸ்பீ யூஎஸ்பீ பீஎஸ்சீ பீடிஎஸ்சீ மற்றும் அதிகாரிகள் பயிற்சிப் பிரிவின் கட்டளை அதிகாரி கேணல் கே.எஸ். மத்துமகே ஆர்எஸ்பீ யூஎஸ்பீ யூஎஸ்ஏசிஜிஎஸ்சீ ஐஎஸ்சீ ஆகியோர் அடங்கிய குழு, எதிர்கால பயிற்சி முறைகள் மற்றும் பாடத்திட்ட மேம்பாடு குறித்த விரிவான கலந்துரையாடலில் ஈடுபட்டது, தரநிலை செயற்பாட்டு நடைமுறைகள், நிர்வாக மற்றும் பணியாளர் விடயங்கள் மற்றும் வழங்கல் மற்றும் உட்கட்டமைப்பு மேம்பாடுகளில் திருத்தங்களை முன்மொழிந்தது.
இந்த கலந்துரையாடல்கள் ஆக்கபூர்வமான தொழிற்துறை, மூலோபாய நுண்ணறிவுகளைப் பரிமாறிக் கொள்வதையும் எளிதாக்கின. முக்கியமாக, குறுகிய கால செயற்படுத்தல் மற்றும் நீண்டகால நிறுவன முன்னேற்றத்திற்கான நடைமுறை பரிந்துரைகள் மற்றும் செயற்படுத்தக்கூடிய முடிவுகளை உருவாக்க இந்த கூட்டம் வழிவகுத்தது.
இந்த விஜயத்தின் முக்கியத்துவத்தைக் குறிக்கும் வகையில், தளபதி, அதிகாரிகள் உணவகத்தில் இராணுவ பதவி நிலை பிரதானிக்கு ஒரு சிறப்பு நினைவுப் பரிசை வழங்கினார்.
