24 வது காலாட் படைப்பிரிவின் தளபதி மேஜர் ஜெனரல் எச்சீஎல் கலப்பத்தி ஆர்எஸ்பீ யூஎஸ்பீ அவர்களின் வழிகாட்டுதல் மற்றும் 241 வது காலாட் பிரிகேட் பதில் தளபதியின் மேற்பார்வையின் கீழ் 2024 ம் ஆண்டுக்கான நத்தார் பண்டிகை நிகழ்வு 20 டிசம்பர் 2024 அன்று அக்கரைப்பற்று மெதடிஸ்ட் தேவாலயத்தில் நடைபெற்றது.

இந்நிகழ்வில் 70 பாடசாலை மாணவர்களுக்கு பாடசாலை பொருட்கள் மற்றும் பரிசில்கள் வழங்கப்பட்டன. இத்திட்டத்திற்கான நிதியுதவி கடவத்தை தொழில் பயிற்சி நிலைய விரிவுரையாளர் திரு. ஏஐஏ ரங்கன, அருகம்பை புனித பிரான்சிஸ் சவேரியர் தேவாலயத்தின் பிரதம பாதிரியார் அருட்தந்தை எஸ் ஜெகநாதன் ஆகியோரினால் வழங்கப்பட்டது. ஆலையடிவேம்பு பிரதேச செயலாளர் திரு.ரி.திருவியராஜ், 241 வது காலாட் பிரிகேடின் சிவில் அலுவல்கள் அதிகாரி, அதிகாரிகள் சிப்பாய்கள் மற்றும் 200 பொதுமக்கள் ஆகியோர் இந்நிகழ்வில் கலந்துகொண்டனர்.