2023-02-23 20:31:22
රට වෙනුවෙන් දිවිපිදූ සහ තුවාල ලැබූ රණවිරුවන් ඇතුළු සේවයේ නියුතු යුද්ධ හමුදා සාමාජිකයන්ගේ පවුල්වල අධ්‍යාපනය ලබන පාසල් සිසු සිසුවියන් සඳහා ආර්ථිකමය සහනයක් ලබාදීමේ අරමුණින් යුද්ධ හමුදා සේවා වනිතා ඒකක විසින් ආරම්භ කරන ලද ‘විරු සිසු ප්‍රදීප’ ශිෂ්‍යත්ව ව්‍යාපෘතියේ 2 වන අදියර බ්‍රහස්පතින්දා (23) දින යුද්ධ හමුදා මූලස්ථානයේ දී ආරම්භ කරනු ලැබීය. එහිදී පැවති උත්සවයේදී පාසල් සිසුසිසුවියන් වෙත රුපියල් 25,000.00 ක මූල්‍යමය වටිනාකමකින් යුත් ශිෂ්‍යත්ව 100 ක් සංකේතාත්මකව ප්‍රදානය කරන ලදී.
2023-02-23 12:19:17
ශ්‍රී ලංකා සංඥා බලකාය වෙතින් ‘Precise Human - Technology Symmetry for Better Organizational Efficacy’ යන මැයෙන් පැවැත්වීමට නියමිත ‘තාක්‍ෂණික සම්මන්ත්‍රණ’ මාලාවේ ප්‍රථම සම්මන්ත්‍රණය ඉකුත් බදාදා (22) දින පෙරවරුවේ යුද්ධ හමුදා මූලස්ථාන බහුකාර්ය ශාලාවේදී පැවැත්වුණු අතර එම අවස්ථාව සඳහා ප්‍රධාන ආරාධිත අමුත්තා ලෙස යුද්ධ හමුදාධිපති ලුතිනන් ජෙනරල් විකුම් ලියනගේ සහභාගී විය.
2023-02-21 14:28:01
ශ්‍රී ලංකා සන්නාහ සන්නද්ධ බලකා සාමාජිකයන්ගේ අද්විතීය ක්‍රීඩා කුසලතාවයන් ඇගයීමට ලක්කරමින් පවත්වනු ලබන ප්‍රථම ‘වර්ණ රාත්‍රිය’ ඉකුත් සඳුදා (20) දින සන්ධ්‍යාවේ කොතලාවල ආරක්‍ෂක විශ්වවිද්‍යාල ශ්‍රවණාගාරයේදී පැවති අතර එහිදි ශ්‍රී ලංකා සන්නාහ සන්නද්ධ බලකා සාමාජිකයන් 477 දෙනෙකු අතරින් විශේෂ ක්‍රීඩා කුසලතාවයන් දැක්වූ ක්‍රීඩකයින් 75 දෙනෙකු වෙත වර්ණ ප්‍රදානය කරනු ලැබු අතර, එම අවස්ථාව සඳහා ප්‍රධාන ආරාධිත අමුත්තා ලෙස යුද්ධ හමුදාධිපති ලුතිනන් ජෙනරල් විකුම් ලියනගේ සහභාගී විය.
2023-02-18 14:03:40
ලෝක හමුදා දින සැමරුම සනිටුහන් කරමින් සෙනසුරාදා (18) දින ආරක්‍ෂක අමාත්‍යාංශයේ ලේකම් ජෙනරල් කමල් ගුණරත්න (විශ්‍රාමික) ගේ ප්‍රධානත්වයෙන් කොළඹ පිහිටි ගුවන් හමුදා ක්‍රීඩාංගනයේදී ආරම්භ කෙරුණු ‘CISM මාර්ග ධාවනය’ සඳහා ආරක්‍ෂක මාණ්ඩලික ප්‍රධානි, යුද්ධ හමුදාධිපති, නාවික හා ගුවන් හමුදාධිපතිවරුන් ඇතුළු ජ්‍යෙෂ්ඨ නිලධාරින් ප්‍රමුඛ ත්‍රිවිධ හමුදා සාමාජිකයන් 300 කට අධික පිරිසක් සහභාගී වූහ.
2023-02-11 07:41:10
දින පහක නිල සංචාරයක් සඳහා මෙරටට පැමිණ සිටින පාකිස්ථානයේ ඒකාබද්ධ මාණ්ඩලික ප්‍රධානීන්ගේ කමිටුවේ සභාපති ජෙනරල් සාහිර් ෂම්ෂාඩ් මිර්සා එච්අයි (එම්) (General Sahir Shamshad Mirza, HI (M)) සිකුරාදා (10) දින පස්වරුවේ දී යුද්ධ හමුදා මූලස්ථානයේදී යුද්ධ හමුදාධිපති ලුතිනන් ජෙනරල් විකුම් ලියනගේ හමුවිය.
2023-02-04 11:56:16
මවුබිමේ සෞභාග්‍යය, සාමය, සංහිඳියාව සහ දීර්ඝ කාලීන ස්ථාවරත්වය වෙනුවෙන් සියලුම ශ්‍රී ලාංකිකයින්ගේ අධීෂ්ඨානශීලී කැපවීම තවදුරටත් පිළිබිඹු කරමින් 75 වන ජාතික නිදහස් දින සැමරුම් උත්සවය සන්නද්ධ හමුදා සේනාධිනායක අතිගරු ජනාධිපති රනිල් වික්‍රමසිංහ මැතිතුමන් සහ ගරු අග්‍රාමාත්‍යතුමන්ගේ ප්‍රධානත්වයෙන් අද (04) දින උදෑසන ගාලු මුවදොර පිටියේදී අභිමානවත් අයුරින් පැවැත්විණි. එම අවස්ථාව සඳහා භික්‍ෂූන් වහන්සේලා ප්‍රමුඛ ආගමික පූජකවරුන්, රාජ්‍ය තාන්ත්‍රිකයින්, අමාත්‍යවරුන්, ආරක්‍ෂක හමුදා ජ්‍යෙෂ්ඨ නිලධාරින්, රාජ්‍ය හා සිවිල් සම්භාවනීය අමුත්තන් සහ තවත් ආරාධිතයින් රැසක් ද සහභාගී වූහ.
2023-02-01 23:06:11
75 වන ජාතික නිදහස් දින සැමරුමට සමගාමීව විනයගරුක, කීර්තිමත්, නොකැළැල් සහ පක්‍ෂපාතීව වසර 25 කට නොඅඩු සේවා කාලයක් සම්පූර්ණ කළ විශ්‍රාමික සහ සේවයේ යෙදී සිටින යුද්ධ හමුදා ජ්‍යෙෂ්ඨ නිලධාරින් 53 දෙනෙකු, නාවික හමුදා ජ්‍යෙෂ්ඨ නිලධාරින් 17 දෙනෙකු සහ ගුවන් හමුදා ජ්‍යෙෂ්ඨ නිලධාරින් 07 දෙනෙකු වෙත ‘විශිෂ්ඨ සේවා විභූෂණ’ පදක්කම පිරිනැමීම අද (01) දින මහනුවර ජනාධිපති මන්දීරයේදී සන්නද්ධ හමුදා සේනාධිනායක අතිගරු ජනාධිපති රනිල් වික්‍රමසිංහ මැතිතුමන්ගේ ප්‍රධානත්වයෙන් පැවති උත්සවයකදී සිදුකෙරිණි.
2023-01-25 18:32:58
දකුණු සුඩානයේ ක්‍රියාත්මක ශ්‍රී ලංකා යුද්ධ හමුදා වෛද්‍ය බලකාය විසින් පවත්නාගෙන යනු ලබන දෙවන මට්ටමේ රෝහලෙහි සාමසාධක රාජකාරී සඳහා පිටත්ව යාමට නියමිත 9 වන වෛද්‍ය කණ්ඩායම විසින් ඉකුත් බදාදා (25) දින වේරහැර පිහිටි ශ්‍රී ලංකා යුද්ධ හමුදා වෛද්‍ය බලකා රෙජිමේන්තු මධ්‍යස්ථානයේදී යුද්ධ හමුදාධිපති ලුතිනන් ජෙනරල් විකුම් ලියනගේ වෙත සිය ගෞරවාචාරය පිරිනමන ලදී.
2023-01-21 10:22:27
2007 වර්ෂයේදී යාන්ත්‍රික පාබල රෙජිමේන්තු ඒකකයක් බවට ස්ථාපනය කරනු ලැබූ 4 වන ගජබා රෙජිමේන්තුව නැවත ස්ථාපනය කරමින් එම ඒකකයේ සම්ප්‍රදායානුකූල ධජ ප්‍රදානෝත්සවය ඉකුත් සිකුරාදා (20) දින සාලියපුර ගජබා රෙජිමේන්තුවේ රෙජිමේන්තු මූලස්ථානයේ දී පවත්වනු ලැබූ අතර එම අවස්ථාව සඳහා ප්‍රධාන ආරාධිත අමුත්තා ලෙස යුද්ධ හමුදාධිපති සහ ගජබා රෙජිමේන්තුවේ රෙජිමේන්තු අධිපති ලුතිනන් ජෙනරල් විකුම් ලියනගේ සහභාගී විය. ඒ අනුව ගජබා රෙජිමේන්තුවේ 24 වන ගජබා රෙජිමේන්තු ඒකකය 4 වන ගජබා රෙජිමේන්තුව ලෙස නැවත ස්ථාපනය කරන ලදී.
2023-01-20 11:22:54
යුද්ධ හමුදාධිපති ලුතිනන් ජෙනරල් විකුම් ලියනගේ වෙත සිය පාසල් අධ්‍යාපනය තුළ නොමැකෙන පාසල් දින මතකයන් සහ සන්ධිස්ථානයන් හැර දක්වමින් මාතලේ විජය විද්‍යාලය වෙතින් ඉකුත් බ්‍රහස්පතින්දා (19) දින එම විද්‍යාල පරිශ්‍රයේදී 24 වැනි යුද්ධ හමුදාධිපති ධූරයේ වැඩ භාරගත් ලුතිනන් ජෙනරල් විකුම් ලියනගේ වෙත උපහාර පුදකිරීමේ උත්සවයක් සංවිධානය කරන ලදී.
