ජාතියේ ආරක්ෂකයා
81 වන සන්නද්ධ හමුදා සැමරුම් දිනය සහ පොපි මල් සැමරුම් උත්සවය 2025 නොවැම්බර් මස 16 දින කොළඹ, විහාරමහාදේවි උද්‍යානයේ පිහිටි Cenotaph හමුදා ස්මාරකය අභියසදී අභිමානවත් අයුරින් පැවැත්විණි. ශ්‍රී ලංකා සේවා මුක්ත භට සංගමයේ මූලිකත්වයෙන් ත්‍රිවිධ හමුදාව එක්ව සංවිධානය කරන ලද මෙම උත්සවය පළමු ලෝක යුද්ධයේ සිට අද දක්වා රට වෙනුවෙන් දිවි පිදූ සියලු ශ්‍රී ලාංකීය රණවිරුවන්ගේ උත්තරීතර පරිත්‍යාගයන් සිහිපත් කිරීම වෙනුවෙන් වාර්ෂිකව පවත්වනු ලබයි.
ජාතික ආරක්ෂක විද්‍යාලයේ ආරාධනාව මත ‘යුද්ධ හමුදාධිපති දේශනය’ “ජාතික ආරක්ෂාව සඳහා ශ්‍රී ලංකා යුද්ධ හමුදාවේ කාර්යභාරය” යන තේමාව යටතේ යුද්ධ හමුදාධිපති ලුතිනන් ජෙනරල් ලසන්ත රොද්‍රිගෝ RSP ctf-ndu psc IG විසින් 2025 නොවැම්බර් මස 05 දින පවත්වන ලදී.
එක්සත් ජාතීන්ගේ මෙහෙයුම් සඳහා හමුදා දායකත්වය ලබාදෙන රටවල ප්‍රධානීන්ගේ සමුළුව - 2025 ඉන්දියාවේ නවදිල්ලි නුවරදී 2025 ඔක්තෝබර් මස 14 දින සිට 16 දින දක්වා ඉන්දීය හමුදාව විසින් පවත්වන ලදී. මෙම සමුළුවට ශ්‍රී ලංකාව නියෝජනය කරමින් යුද්ධ හමුදාධිපති ලුතිනන් ජෙනරල් ලසන්ත රොද්‍රිගෝ RSP ctf-ndu psc IG සහභාගි විය.
ආරක්ෂක නියෝජ්‍ය අමාත්‍ය, මේජර් ජෙනරල් අරුණ ජයසේකර (විශ්‍රාමික), පසුගියදා ශ්‍රී ලංකා යුද්ධ හමුදාවේ ප්‍රධාන පතොරම් සහ යුධෝපකරණ ගබඩා පහසුකම්වල ඔක්තෝබර් 11 සහ 12 යන දෙදින නිරීක්‍ෂණ චාරිකාවක නිරත විය.
ආරක්ෂක නියෝජ්‍ය අමාත්‍ය, මේජර් ජෙනරල් අරුණ ජයසේකර (විශ්‍රාමික) 2025 ඔක්තෝබර් මස 10 දින ශ්‍රී ලංකා යුද්ධ හමුදා මූලස්ථානයේ නිල සංචාරයක නිරත විය. 76 වන යුද්ධ හමුදා සංවත්සරය නිමිත්තෙන් යුද්ධ හමුදා මූලස්ථානයට පැමිණි නියෝජ්‍ය අමාත්‍යවරයා යුද්ධ හමුදාධිපති ලුතිනන් ජෙනරල් ලසන්ත රොද්‍රිගෝ RSP ctf-ndu psc IG විසින් උණුසුම් අයුරින් පිළිගැනීමෙන් අනතුරුව සාම්ප්‍රදායික හමුදා උත්තමාචාරයක් ද පිරිනමනු ලැබීය.
ජාතික ශිෂ්‍ය භට බලකාය සහ අධ්‍යාපන අමාත්‍යාංශය සමඟ එක්ව, 2025 සැප්තැම්බර් මස 25 දින රන්ටැඹේ ශිෂ්‍ය භට පුහුණු මධ්‍යස්ථානයේදී සමස්ත ලංකා පෙරදිග ශිෂ්‍ය භට සංගීත කණ්ඩායම් අභියෝගතා කුසලාන තරඟාවලිය සංවිධානය කරන ලදී. එහි ප්‍රධාන ආරාධිත අමුත්තා ලෙස යුද්ධ හමුදාධිපති ලුතිනන් ජෙනරල් ලසන්ත රොද්‍රිගෝ RSP ctf-ndu psc IG සහභාගී විය.
ඉන්දීය නාවික හමුදා මාණ්ඩලික ප්‍රධානී, අද්මිරාල් දිනේෂ් කේ ත්‍රිපාති PVSM AVSM NM CNS ඇතුළු ශ්‍රී ලංකාවේ ඉන්දීය මහ කොමසාරිස් කාර්යාලයේ ආරක්ෂක උපදේශක ඉන්දීය නාවික හමුදාවේ කපිතාන් ආනන්ද් මුකුන්දන්, නාවික හමුදා ප්‍රධානීගේ මාණ්ඩලික නිලධාරි කපිතාන් අශ්වානි කේ හාන්ස්, නාවික හමුදා ප්‍රධානීගේ නාවික සහායක කපිතාන් ආදිත් පට්නායික්, ශ්‍රී ලංකාවේ ඉන්දීය මහ කොමසාරිස් කාර්යාලයේ සහකාර ආරක්ෂක උපදේශක ලුතිනන් කර්නල් මන්දීප් සිං නේගි SM සහ කමාන්ඩර් නිතින් බාබු (Cdr – FC) යන ජ්‍යෙෂ්ඨ නිලධාරින් පිරිසක් 2025 සැප්තැම්බර් මස 22 දින යුද්ධ හමුදා මූලස්ථානයේදී යුද්ධ හමුදාධිපති ලුතිනන් ජෙනරල් ලසන්ත රොද්‍රිගෝ RSP ctf-ndu psc IG හමුවිය.
යුද්ධ හමුදා භඨකාර්ය සම්පාදන විද්‍යාලය විසින් වාර්ෂික සංවිධානය කරනු ලබන භඨකාර්ය සම්පාදන සම්මන්ත්‍රණය - 2025, රත්මලාන, ජෙනරාල් ශ්‍රීමත් ජෝන් කොතලාවල ආරක්ෂක විශ්ව විද්‍යාලයේදී 2025 සැප්තැම්බර් මස 10 දින පවත්වන ලදී. එහිදී, ත්‍රිකුණාමලය වරාය අනාගත භඨකාර්ය සම්පාදන මධ්‍යස්ථානයක් ලෙස පත්කිරීමේ විභවතාවය, ඒ සඳහා ඇති අභියෝගයන් සහ තිරසාර ක්‍රමවේදයන් කෙරෙහි අවධානය යොමු කිරීම යන තේමාවන් ඔත්සේ මෙම සම්මන්ත්‍රණය පවත්වන ලදී.
27 වන වාර්ෂික ඉන්දු-පැසිෆික් ආරක්ෂක ප්‍රධානීන්ගේ සමුළුව 2025 අගෝස්තු මස 25 දින සිට 28 දින දක්වා තායිලන්තයේදී පැවති අතර, ඒ සඳහා රටවල් 29 ක් නියෝජනය කරන ජ්‍යෙෂ්ඨ හමුදා නායකයින් සහභාගි වූහ. මෙම සමුළුව සඳහා ශ්‍රී ලංකාව නියෝජනය කරමින් යුද්ධ හමුදාධිපති ලුතිනන් ජෙනරල් ලසන්ත රොද්‍රිගෝ RSP ctf-ndu psc IG සහභාගි විය.