புகழ்பெற்ற அறுவை சிகிச்சை நிபுணர் தனது புத்தகத்தின் முதல் பிரதியை இராணுவத் தளபதிக்கு வழங்கினார்

இலங்கையின் மிகவும் புகழ்பெற்ற சிரேஷ்ட சத்திரசிகிச்சை நிபுணர்களில் ஒருவரான வைத்தியர் காமினி குணதிலக்க இன்று (21) திகதி இராணுவத் தலைமையகத்திற்கு அழைக்கப்பட்ட போது, அவரினால் எழுதப்பட்ட புத்தகமான 'எக்ஸ்ட்ரா மைல்-எ சர்ஜன்ஸ் எக்ஸ்பிரியன்ஸ் ' இன் முதல் பிரதியை இராணுவத் தளபதி லெப்டினன் ஜெனரல் விக்கும் லியனகே அவர்களுக்கு வழங்கினார். இப் புத்தகமானது ஒரு சத்திரசிகிச்சை நிபுணரின் அனுபவங்கள் சம்பந்தமாக வடிவமைக்கப்பட்டுள்ளது. மேலும் இது அவரது 40 வருடங்களுக்கும் மேலான சத்திரசிகிச்சை நிபுணர் பணியை முன்னெடுத்துச் சென்ற பாத்திரங்களை விவரிக்கும் வகையில் இது எழுதப்பட்டுள்ளது.

இந்த சுமூகமான சந்திப்பின் போது, அறுவைசிகிச்சை நிபுணரும் புத்தகத்தின் ஆசிரியரும், மருத்துவத் துறையில் தனது மறக்கமுடியாத அனுபவங்களை விவரிப்பதற்கு முன்பாக தமது அமைப்புகளின் பணிகளை விளக்கினார், வளரும் மருத்துவ நிபுணர்களுடன் தனது அனுபவங்களைப் பகிர்ந்து கொள்ளவும், பல்வேறு நடைமுறைகளைப் பற்றிய நுண்ணறிவுகளை அவர்களுக்கு வழங்கவும். பொலன்னறுவை மாவட்ட வைத்தியசாலையில் இருந்து ஆரம்பிக்கப்பட்ட அவரது தொழில்சார் கடமைகளை நிறைவேற்றுவதற்கு அவசியமான கடினமான சூழ்நிலையிலும் வசதிகள் அல்லது உபகரணங்கள் இல்லாமல் நடத்தப்பட்டன என்பதையும்’ இதன் போது சுட்டிக்காட்டினார்.இராணுவத் தளபதி அவருக்கு நன்றி தெரிவிக்கையில், பல தசாப்தங்களாக மருத்துவ சமூகம் மற்றும் பொது மக்கள் மத்தியில் ஒரு புகழ்பெற்ற அறுவை சிகிச்சை நிபுணராக தனது கடமைகளில் தனது அர்ப்பணிப்பைப் பற்றி உயர்வாகப் பேசினார். றோயல் கல்லூரியின் சத்திர சிகிச்சை நிபுணர் (எப்ஆர்சிஎஸ்) ஆக தகுதி பெற்ற இவர் இங்கிலாந்தில் பட்டப்பின் பயிற்சி பெற்று கொழும்பு தேசிய தை்தியச்சாலையின் விபத்து பிரவில் சத்திர சிகிச்சை நிபுணராக சிறிது காலம் பணிபுரிய நாடு திரும்பியபோது அவருக்கு வயது 32. மேலும் பொலன்னறுவை ஆதார வைத்தியசாலையில் அவருக்கு சத்திரசிகிச்சை நிபுணராக சேவையாற்றினார். 1973 ஆம் ஆண்டு, கொழும்பு பல்கலைக்கழகத்தில் வைத்தியர் (சிலோன்) பட்டம் பெற்று 1978 இல் ஐக்கிய இராச்சியத்திற்கு சத்திரசிகிச்சை நிபுணர் கற்கைக்கு சென்றார் என்பது குறிப்பிடத்தக்க விடயமாகும்.

மனிதாபிமான நடவடிக்கயைின் போது, அவர் ஏவுகணை குண்டுவெடிப்பு காயங்களால் பாதிக்கப்பட்ட ஆயிரக்கணக்கான பொதுமக்கள் மற்றும் இராணுவ வீரர்களுக்கு சத்திரசிகிச்சைகளை மேற்கொண்டுள்ளார், நாட்டின் கிழக்கு மோதல் வலயத்திலிருந்தும் மோதல் வலயத்தை அண்டிய கிராமங்களிலிருந்தும் இந்த பொலன்னறுவை மருத்துவமனைக்கு காயப்பட்டவரகள் கொண்டு வரப்பட்டனர். இது அவருக்கு புதிய அனுபவமாக இருந்தது. அர்ப்பணிப்புடன் பணிபுரிந்த அவர், இந்த மருத்துவமனையில் அறுவை சிகிச்சை சேவைகளை விரைவாக மேம்படுத்தி, இராணுவத்தின் காயமடைந்தவர்களுக்கான சிறப்பு வார்டு மற்றும் தீவிர சிகிச்சைப் பிரிவையும் நிறுவினார். வைத்தியசாலையில் பணிபுரிந்ததோடு, யுத்தத்தினால் பாதிக்கப்பட்ட பிரதேசங்களிலும், யாழ்ப்பாணம் பலாலி ஆதார வைத்தியசாலையிலும் பல சந்தர்ப்பங்களில் தன்னார்வமாகவும் சேவையாற்றினார். ஏனையோர்கள் போரால் பாதிக்கப்பட்ட பகுதிகளுக்குச் செல்லத் தயங்கியபோது, அவர் அச்சமின்றி இருந்தார். பயங்கரவாத முற்றுகையின் கீழ் இருந்த போரினால் பாதிக்கப்பட்ட யாழ்ப்பாணத்திற்கு கூட அவர் பயணம் செய்தார். இது ஒரு புதுமையான மற்றும் பன்முக பொது அறுவை சிகிச்சை நிபுணராக அவரது ஏற்கனவே புகழ்பெற்ற தொழிலுக்கு சாத்தியமானதாக இருந்தன , இத்துடன் இவர் எப்போதும் அதிக மைல் முன்னோக்கிச் செல்ல தயாராக இருந்துள்ளார்.

கொழும்பு புனித ஜோசப் கல்லூரியின் பழைய மாணவனான இவர், படிப்பிலும் விளையாட்டிலும் சிறந்த மாணவனாக விளங்கியதுடன் மருத்துவத் துறையில் நாட்டிற்குச் செய்த சிறந்த சேவைக்காக அவரது அல்மா மேட்டர் வழங்கப்பட்ட உயரிய விருதைப் பெற்ற பெருமைக்குரியவர் இவராவார். இவர் ஒரு கல்வியாளர் மற்றும் அறுவை சிகிச்சை நிபுணர் மட்டுமல்ல, ஒரு தீவிர விளையாட்டு வீரராகவும் இருந்துள்ளார்.

சுமூகமான இச்சந்திப்பின் இறுதியில் இராணுவத் தளபதி வைத்தியர் காமினி குணதிலக்க அவருக்கு நினைவுச் சின்னம் ஒன்றையும் வழங்கினார்.