Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

04th May 2021 14:02:50 Hours

කොවිඩ් - 19 ආසාදිත මරණ සංඛ්‍යාව 709 දක්වා ඉහළ ගොස් ඇති බව කොවිඩ්-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කරයි

අද (04) දින උදෑසන වනවිට ශ්‍රී ලංකාවෙන් කොවිඩ් - 19 ආසාදිත පුද්ගලයින් 1923 දෙනෙකු හඳුනාගෙන ඇත. එම පුද්ගලයින් අතරින් විදේශගතව සිට මෙරටට පැමිණි ශ්‍රී ලාංකිකයින් 09 දෙනෙකු සහ මෙරටට පැමිණි විදේශිකයෙකු වේ. ඉතිරි පුද්ගලයින් 1913 දෙනා දේශීයව හඳුනාගත් ආසාදිතයින් ලෙස වාර්තා වේ. හඳුනාගත් ආසාදිතයින් අතරින් වැඩිම ආසාදිතයින් පිරිසක් කොළඹ දිස්ත්‍රික්කයෙන් වාර්තා වන අතර, ඒ ආසාදිතයින් 529 ක් ලෙසය. ඊට අමතරව, කළුතර දිස්ත්‍රික්කයෙන් ආසාදිතයින් 264 ක් සහ ගම්පහ දිස්ත්‍රික්කයෙන් ආසාදිතයින් 232 දෙනෙකු වාර්තා වේ. අනෙක් ආසාදිතයින් 888 දෙනා දිවයිනේ සෙසු දිස්ත්‍රික්ක වලින් වාර්තා වේ.

අද (04) දින උදෑසන වනවිට, මිනුවන්ගොඩ බ්‍රැන්ඩික්ස් පොකුරට සහ පෑලියගොඩ මත්ස්‍ය වෙළඳපොලට සම්බන්ධ පොකුරෙන් වාර්තා වූ කොවිඩ් - 19 වෛරසය ආසාදිත සම්පූර්ණ පුද්ගලයින් සංඛ්‍යාව 90,637 ක් වේ. අනෙකුත් පොකුරු වල ආසාදිතයින් සංඛ්‍යාව 5,879 ක් වේ. ඉන් පුද්ගලයින් 96,247 දෙනෙකු මේ වනවිට පූර්ණ සුවය ලබා රෝහල්වලින් බැහැරව ගොස් ඇත. එමෙන්ම, අළුත් අවුරුදු සමයෙන් පසු වාර්තා වූ ආසාදිතයින් සංඛ්‍යාව 15,316 ක් වේ.

අද (04) දින උදෑසන වනවිට, ශ්‍රී ලංකාව තුළ කොවිඩ්-19 වෛරසය ආසාදනය වු සම්පුර්ණ ආසාදිතයින් සංඛ්‍යාව 113,675 ක් වන අතර ඉන් පුද්ගලයින් 98,209 පූර්ණ සුවය ලබා රෝහල්වලින් බැහැරව ගොස් ඇත. අද (04) දින උදෑසන වනවිට, රෝහල්ගතව සහ අතරමැදි ප්‍රතිකාර මධ්‍යස්ථාන තුළ ආසාදිතයින් 14,757 දෙනෙකු තවදුරටත් ප්‍රතිකාර ලබති.

අද (04) දින උදෑසන 0600 වනවිට (පසුගිය පැය 24 තුළ) රෝහල් සහ අතරමැදි ප්‍රතිකාර මධ්‍යස්ථාන තුළින් පුද්ගලයින් 967 ක් පූර්ණ සුවය ලබා පිටව ගොස් ඇත.

අද (04) දින උදෑසන වනවිට (පසුගිය පැය 24 තුළ) ශ්‍රී ලංකාව තුළින් කොවිඩ්-19 වෛරසය ආසාදනය වී පුද්ගලයින් 13 දෙනෙකු මියගොස් ඇත. ඔවුන් මෝදර, බුලත්සිංහල, දිවුලපිටිය, මීගමුව, නුවරඑළිය, මාවිල්මඩ, මාලබේ, බොරැල්ල, පානදුර, ජා ඇළ, නිට්ටඹුව සහ ගම්පහ යන ප්‍රදේශවල පදිංචි පුද්ගලයින් ලෙස වාර්තා වේ. ඒ අනුව, අද (04) දින උදෑසන වනවිට ‍ශ්‍රී ලංකාව තුළින් කොවිඩ් - 19 ආසාදිත සම්පුර්ණ මරණ සංඛ්‍යාව 709 ක් දක්වා ඉහළ ගොස් ඇත.

අද (04) දිනයේදී ත්‍රිවිධ හමුදාව මගින් පාලනය කරනු ලබන නිරෝධායන මධ්‍යස්ථාන 110 ක් තුළ පුද්ගලයින් 10,981 දෙනෙකු නිරෝධායනය වෙමින් සිටිති.

අද (04) දින උදෑසන වනවිට, කුරුණෑගල දිස්ත්‍රික්කයේ කුලියාපිටිය සහ පන්නල යන පොලිස් බලප්‍රදේශ, තිත්තවැල්ගම, කුඹුක්ගැටේ ග්‍රාම සේවා වසම, නිරාවිය, නිකදලුපොත සහ උඩුබදලාව යන ග්‍රාම සේවා වසම් හුදකලා කර ඇත. එමෙන්ම, කළුතර දිස්ත්‍රික්කයේ අධිකාරිගොඩ, මිරිස්වත්ත, පැළවත්ත උතුර සහ පැළවත්ත නැගෙනහිර, බොල්ලුන්න, ඉඟුරුදළුව, මීදලාන, මොරපිටිය, පැලීද, හැදිගල්ල, මොරපිටිය උතුර, වැල්ලාවිට දකුණ, මාකලන්දාව, බෝතලාව, කටුකැලේ වැල්මීගොඩ, පහළ හේවැස්ස, පින්වත්ත, පින්වත්ත බටහිර, නාරම්පිටිය සහ බණ්ඩාරගම නැගෙනහිර යන ග්‍රාම සේවා වසම්, ගම්පහ දිස්ත්‍රික්කයේ පොල්හේන, හීරලුගෙදර, කලුඅග්ගල, අස්වැන්නවත්ත නැගෙනහිර සහ අල්විස්වත්ත යන ග්‍රාම සේවා වසම්, ත්‍රිකුණාමලය දිස්ත්‍රික්කයේ පුම්පුහාර්, සුමේධන්කරපුර (උප්පුවේලි), මඩ්කෝව්, කෝවිලාඩි, ලින්ගනගර්, කාවට්ටිකුඩා, චීනවරාය, ඕර්ස් හිල් සහ අන්පුවාලිපුරම් යන ග්‍රාම සේවා වසම්, ගාල්ල දිස්ත්‍රික්කයේ ඉඹුල්ගොඩ, කටුදම්පේ, ගොඩහේන සහ තල්ගස්ගොඩ ග්‍රාම සේවා වසම්, පොලොන්නරුව දිස්ත්‍රික්කයේ සිරිකෙත සහ සරුබිම ග්‍රාම සේවා වසම්, මාතලේ දිස්ත්‍රික්කයේ දඹුල්ල, ගලේවෙල, මාතලේ සහ නාවුල පොලිස් බලප්‍රදේශ සහ පල්ලේකුඹුර, අලුගොල්ල ග්‍රාම සේවා වසම් හා දඹුල්ල ආර්ථික මධ්‍යස්ථානය, අම්පාර දිස්ත්‍රික්කයේ කුමාරිගම, දෙහිඅත්තකන්ඩිය සහ කදිරපුර ග්‍රාම නිලධාරි වසම්, මොණරාගල දිස්ත්‍රික්කයේ වැල්ලවාය, වෙහෙරයාය, කොට්ටම්ගම්බොක්ක, රහතන්ගම, ගල්අමුණ සහ හැලමුල්ල යන ග්‍රාම සේවා වසම්, කොළඹ දිස්ත්‍රික්කයේ නම්පනුව සහ ගොරකපිටිය, දාම්පේ, බටකෙත්තර උතුර, පැලැන්වත්ත බටහිර, පැලැන්වත්ත නැගෙනහිර, කැස්බෑව දකුණ, මාකන්දන නැගෙනහිර, මාවිත්තර උතුර, මඩපාත, ඇරව්වල උතුර සහ උග්ගල්ල යන ග්‍රාම සේවා වසම් සහ රත්නපුර දිස්ත්‍රික්කයේ හපුගොඩ ග්‍රාම සේවා වසම, නුවරඑළිය දිස්ත්‍රික්කයේ නිල්දන්ඩාහින්න සහ රත්මැටිය යන ග්‍රාම සේවා වසම් සහ මඩකලපුව දිස්ත්‍රික්කයේ තියවීරසිංහම් චතුරස්‍රය හුදකලා කර ඇත.