07th April 2020 20:01:17 Hours
යුද්ධ හමුදාව විසින් මෙහෙයවනු ලබන කුණ්ඩසාලේ නිරෝධායන මධ්‍යස්ථානය, නාවික හමුදාව විසින් මෙහෙයවනු ලබන බූස්ස සහ ගුවන් හමුදාව විසින් මෙහෙයවනු ලබන මුලතිව් යන නිරෝධායන මධ්‍යස්ථාන තුළින් සති දෙකක නීරෝධායන ක්‍රියාවලියකට ලක් වූ පුද්ගලයින් 279 දෙනෙකුගෙන් යුත් කණ්ඩායමක් අද (06) දින පෙරවරුවේ අදාළ වෛද්‍ය උපදෙස් හා නිරෝධායන සහතික ලබාගැනීමෙන් අනතුරුව සිය නිවෙස් බලා පිටත්ව ගියහ.
එමෙන්ම ගාල්ල, කොළඹ, මහනුවර, මහියංගණය, කැකිරාව සහ කුරුණෑගල වැනි ප්‍රධාන ගමනාන්තයන් හී පිහිටි තම නිවෙස් බලා පිටත් වූ නිරෝධායනයට ලක් වූ එම පිරිසට ප්‍රවාහන පහසුකම් ලබාදුන් යුද්ධ හමුදා සාමාජිකයින් එම පිරිස අතර සිටි කුඩා දරුවන් කෙරෙහි විශේෂ සැලකිල්ලක් දක්වමින් එම පිරිස් වෙත එම ගමන්වාරය තුළ පරිභෝජනයට ගැනීම වෙනුවෙන් කෙටි කෑම, දිවා ආහාර පාර්සල් මෙන්ම පිරිසිදු පානීය ජල බෝතල් ද ලබාදී තිබිණි.
නිරෝධායන කාල සීමාව සාර්ථකව නිම කිරීමෙන් පසු පිටත්ව යන පිරිසට සමුදීම සඳහා අදාළ නීරෝධායන මධ්‍යස්ථානයන්හී අණදෙන නිලධාරීන් ඇතුළු යුද්ධ හමුදා සාමාජිකයින් පැමිණ සිටියහ. Adidas shoes | UK Trainer News & Releases
