01st October 2019 19:20:47 Hours
යුද්ධ හමුදාධිපති ලුතිනන් ජෙනරාල් ශවේන්ද්‍ර සිල්වා සිය ධූරයේ රාජකාරී භාරගැනීමෙන් අනතුරුව සෙනසුරාදා (29) දින උදෑසන වන්නි ආරක්ෂක සේනා මූලස්ථානයේ පළමු නිල සංචාරය සිදුකළ අතර වන්නි ආරක්ෂක සේනා මූලස්ථානය වෙත සපැමිණි යුද්ධ හමුදාධිපතිතුමන්ව ඉතා උණුසුම් අයුරින් පිළිගන්නා ලදී.
වන්නි ආරක්ෂක සේනා මූලස්ථානයේ ප්‍රධාන දොරටුව අභියසදී, එම ආරක්ෂක සේනා ආඥාපති මේජර් ජෙනරාල් ජගත් ගුණවර්ධන විසින් යුද්ධ හමුදාධිපතිතුමන්ව උණුසුම් අයුරින් පිළිගැනීමෙන් අනතුරුව හමුදා සම්ප්‍රදායානුකූල කඳවුරු සම්මාන මුරයක් පිරිනමනු ලැබීය.
මේජර් ජෙනරාල් ජගත් ගුණවර්ධන විසින් යුද්ධ හමුදාධිපතිතුමන්ව උණුසුම් අයුරින් පිළිගැනීමෙන් අනතුරුව හමුදා සම්ප්‍රදායානුකූල කඳවුරු සම්මාන මුරයේ ගෞරවාචාරය පිරිනැමීම සඳහා යුද්ධ හමුදාධිපතිතුමන්ව සරඹ භූමිය වෙත කැටුව යන ලදී. එහිදී, වර්ණවත් සම්මාන ආචාර පෙළපාලියේ ගෞරවාචාරය යුද්ධ හමුදාධිපතිතුමන් වෙත පිරිනැමිමෙන් අනතුරුව එතුමන් පෙළපාලියේ අණදෙන්නා සමඟ එක්ව සම්මාන ආචාර පෙළපාලිය පරික්‍ෂා කරන ලදී. පසුව, මෙම සංචාරය සංකේතවත් කරමින් යුද්ධ හමුදාධිපතිතුමන් කඳවුරු පරිශ්‍රයේ පැළයක් ද රෝපණය කරනු ලැබීය.
ඉන් අනතුරුව, වන්නි ආරක්ෂක සේනා මූලස්ථානය, ඉදිරි නඩත්තු පෙදෙස, සියලු සේනාංක, බලසේනා සහ ඒකකයන්හි කාර්යභාරය හා වගකිම් පිළිබඳ සේනාංකාධිපතිවරුන් සහ බලසේනාධිපතිවරුන් විසින් යුද්ධ හමුදාධිපතිතුමන්ව දැනුවත් කිරීමෙන් අනතුරුව යුද්ධ හමුදාධිපතිතුමන් විසින් වන්නි ආරක්ෂක සේනා මූලස්ථානය යටතේ සේවයේ නියුතු සියලු නිලයින් අමතනු ලැබීය.
යුද්ධ හමුදාධිපතිතුමන් මව්බිම වෙනුවෙන් දිවිපිදු විරෝදාර රණවිරුවන් සිහිපත් කරමින් වන්නි ආරක්ෂක සේනා මුලස්ථානයේ පිහිටි රණවිරු ස්මාරකය අභියසදී පුෂ්පෝපහාර පුද කරනු ලැබීය. Nike air jordan Sneakers | Air Jordan Release Dates 2020
