17th April 2019 13:49:15 Hours
යුද්ධ හමුදා මුලස්ථානයේ නව යුද සේවා ලේකම් ලෙස මේජර් ජෙනරාල් රුවන් ද සිල්වා සිකුරාදා (12) දින පැවැති උත්සවයකදී රාජකාරි අරඹන ලදී.
නව යුද සේවා ලේකම් සිය කාර්යාලයේ දී සංකේතාත්මකව පොල්තෙල් පහන දල්වා නිල ලේඛණයකට අත්සන් තැබීය. එහිදි ජ්යෙෂ්ඨ නිලධාරීන් පිරිසක් විසින් නව පත්වීම් ලැබු යුද සේවා ලේකම් උණුසුම් අයුරින් පිළිගනු ලැබීය.
මෙම ජ්යෙෂ්ඨ නිලධාරී තුමන් යුද සේවා ලේකම් තනතුරට පත්වීමට පෙර මධ්යම ආරක්ෂක සේනා ආඥාපති ලෙස කටයුතු කර ඇත.
යුද්ධ හමුදාව තුල වසර 30 කට වැඩි කාලයක් කැපී පෙනෙන විශිෂ්ඨ සේවාවක් සිදු කළ මේජර් ජෙනරාල් අජිත් විජේසිංහ යුද්ධ හමුදා දිවියෙන් විශ්රාමගැනීමෙන් අනතුරුව මේජර් ජෙනරාල් රුවන් ද සිල්වා සිය ධුරයේ රාජකාරි ඇරඹීය.
වසර 34 ක යුද්ධ හමුදා සේවා කාලය තුළ මේජර් ජෙනරාල් රුවන් ද සිල්වා ශ්රී ලංකා යුද්ධ හමුදාවේ විවිධ අණදීම් මෙන්ම මාණ්ඩලික හා උපදේශක තනතුරු රැසක් හොඹවා ඇත.
මෙම ජ්යෙෂ්ඨ නිලධාරීතුමන් 1985 ජූනී මස 6 දින ශ්රී ලංකා යුද්ධ හමුදාවට කෙඩෙට් නිලධාරීයෙකු ලෙස බැදී දෙවන ලුතනන්වරයෙකු ලෙස අධිකාරියට පත්වීමෙන් අනතුරුව ශ්රී ලංකා කාලතුවක්කු හමුදාවට අනුයුක්තව රාජකාරී සිදු කළ අතර එතුමන්ගේ වෘත්තිය ජීවිතය තුල කාලතුවක්කු පුහුණු පාසලේ සේනාවිධායක, කාලතුවක්කු බලසේනා මූලස්ථානයේ සේනාවිධායක, 65 වන සේනාංකයේ සේනාංකාධිපති, යුද්ධ හමුදා මූලස්ථානයේ සැලසුම් අධ්යක්ෂ ජෙනරාල්, 21 වන සේනාංකයේ සේනාංකාධිපති සහ නව පත්වීම ලැබීමට ප්රථම මධ්යම ආරක්ෂක සේනා ආඥාපති මෙන්ම විශේෂ තනතුරු රැසක් හොඹවා ඇත.
යුද්ධ හමුදා මූලස්ථානයේදි නව යුද සේවා ලේකම් තුමන් හට සුභපැතීම සඳහා අධ්යක්ෂවරුන්, ජ්යෙෂ්ඨ නිලධාරීන්, මාණ්ඩලික නිලධාරීන් හා යුද්ධ හමුදා සාමාජිකයින් රැසක් එක්ව සිටියහ. trace affiliate link | Men’s shoes