65 වන සේනාංකයේ පැවැත්වු පරිගණක සහ ලිපිකරු පාඨමාලා අවසන් වේ

යුද හමුදා භට පිරිස් තුල තොරතුරු තාක්ෂණය පිළිබඳ දැනුම තව තවත් පුළුල් කිරීමේ අරමුණින් මෙම වසරේ පැවැත් වු පළමු පරිගණක පාඨමාලාව කිලිනොච්චි ආරක්ෂක සේනා මුලස්ථානයේ මඟපෙන්වීම යටතේ 65 වන සේනාංක මූලස්ථානයේ දී සාර්ථක ලෙස අවසන් විය.

දින 16 පුරා පැවති තොරතුරු තාක්ෂණ පාඨමාලාව 2017 මාර්තු මස 03 වන දින සෙසුනිලයින් 20 දෙනෙකුගේ සහභාගිත්වයෙන් ආරම්භ විය.

එමෙන්ම, කිලිනොච්චි ප්‍රදේශයේ සේවය කරන යුද හමුදා සාමාන්‍ය ලිපිකරුවන්ගේ දැනුම ප්‍රවර්ධනය කිරිමේ අරමුණින් පවත්වනු ලැබු ලිපිකරු පාඨමාලාව ද දින 36 කට පසු මාර්තු මස 28 වන දින අවසන් විය.

65 වන සේනාංක මුලස්ථානයේ පැවති මෙම ලිපිකරු පාඨමාලාව සඳහා සෙසුනිලයින් 23 දෙනෙකු සහභගි වූහ.

පාඨමාලා දෙකෙහිම සහතිකපත් බෙදාදීමේ උත්සවය 65 වන සේනාංකයේ සේනාංකාධිපති මේජර් ජෙනරාල් ඩබ්.ඒ.එස්. විරවර්ධනගේ මුලිකත්වයෙන් පැවැත්විණි.