Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

26th January 2016 14:40:36 Hours

සන්නද්ධ බුද්ධි බලකා විරු සැමරුම් උළෙල ඉතා වර්ණවත් අයුරින්

මව්බිමේ ස්වෛරීභාවය සහ තිරසාර සාමය උදෙසා සන්නද්ධ බුද්ධි බලකා සෙබලුන් 66 දෙනෙකු මානුෂිය මෙහෙයුමේ දී ජීවිත පූජා කරමින් කල සේවය සිහිපත් කිරීම උදෙසා සෙනසුරාදා (23) දින කරන්දෙණිය සන්නද්ධ බුද්ධි බලකා රෙජිමේන්තු මූලස්ථානයේ දී විරු සැමරුම් උළෙලක් පවත්වනු ලැබිය. මෙම සමරු උළෙල අදියර දෙකෙකින් සංවිධානය කර තිබූ අතර, එහි ප්‍ර‍ධාන ආරාධිත අමුත්තන් ලෙස සන්නද්ධ බුද්ධි බලකා කර්නල් සේනාවිධායක මේජර් ජෙනරාල් ජගත් අල්විස්ගේ ආරාධනයෙන් රාජ්‍ය ආරක්ෂක ලේකම් ඒ.පී.ජි. කිත්සිරි මහතා සහ යුද හමුදාපති ලුතිතන් ජෙනරාල් ක්‍රිෂාන්ත ද සිල්වා සහභාගි විය. ඒ අනුව පළමු අදියර යටතේ, සන්නද්ධ බුද්ධි බලකා රෙජිමේන්තු මූලස්ථානය වෙත පැමිණි යුද හමුදාපති ලුතිතන් ජෙනරාල් ක්‍රිෂාන්ත ද සිල්වා පිළිගැනිමෙන් අනතුරුව හමුදා සම්ප්‍ර‍දායානුකූලව සම්මාන මුරයක් ද පිරිනමන ලදි. අනතුරුව සන්නද්ධ බුද්ධි බලකා රෙජිමේන්තුවේ දිගුකාලීන අවශ්‍යතාවයක්ව පැවති නවතමයෙන් ඉදි කරනු ලැබූ බලලත් නිළධාරී සහ සැරයන් නිවස්නය විවෘත කිරීමේ අවස්ථාවට යුද හමුදාපතිතුමා වෙත ආරාධනා කළ අතර, ජ්‍යෙෂ්ඨ නිළධාරීන් සමඟින් පැමිණි යුද හමුදාපතිතුමා බලලත් නිළධාරී සහ සැරයන් නිවස්නය විවෘත කර ජ්‍යෙෂ්ඨ කොමිෂන් නොලත් නිලධාරීන් වෙත භාරදෙන ලදි. තවද, සන්නද්ධ බුද්ධි බලකා සේවා වනිතා ඒකකය, මොබිටෙල් ආයතනයේ අනුග්‍ර‍හය ඇතිව මියගිය හා ආබාධිත රණවිරුවන්ගේ දරුවන් වෙත සහ ඔවුන්ගේ පවුල් වෙත මුදල් වවුචර් හා පාසල් උපකරණ ආදිය ලබාදෙන ලදි. සන්නද්ධ බුද්ධි බලකා සේවා වනිතා ඒකකයේ සභාපතිනියගේ ආරාධනයෙන් සන්නද්ධ බුද්ධි බලකා රණවිරු පවුල් 83 ක් වෙත මෙම පරිත්‍යාග ලබාදිමේ උත්සව අවස්ථාව සඳහා යුද හමුදා සේවා වනිතා ඒකකයේ සභාපතිනි නයනා ද සිල්වා මහත්මිය සහභාගි විය. එදින පස්වරුවේ මෙම උත්සවයේ තවත් අදියරක් ලෙස සන්නද්ධ බුද්ධි බලකායේ මියගිය රණවිරුවන් 66 දෙනෙකු සිහිපත් කරමින් එම බලකා රණවිරු ස්මාරකය වෙත පුෂ්පෝපහාර දැක්විම රාජ්‍ය ආරක්ෂක ලේකම් ඒ.පී.ජි. කිත්සිරි මහතාගේ ප්‍ර‍ධානත්වයෙන් පැවැත් වූ අතර, ඒ සඳහා එම රණවිරුවන්ගේ දෙමාපියන්, භාර්යාවන්, දුවා දරුවන් මෙන්ම ඥාතින් ද සිය ගෞරව පුද කිරිම සඳහා එක්ව සිටියහ. එහිදි පැතිරුණු සංගීත නාදය ගුවනට මුසුවිමෙන් උත්සවය ගාම්භිර ස්වරූපයක් ගත් අතර, එය තම ඥාතින් විසින් කඳුලු සලමින් මියගිය රණවිරුවන්ට ගෞරව දැක්විමක් ලෙස පිළිබිඹු විය.bridge media | UK Trainer News & Releases