යුද්ධ හමුදා සාමාජිකයින් සඳහා පැවැත් වූ පැළ තවාන් ශිල්පීය පාඨමාව

තෝරාගත් යුද්ධ හමුදා සාමාජිකයින් සඳහා පැවැත් වූ ත්‍රෛමාසික පැළ තවාන් ශිල්පය පිළිබඳව පාඨමාලාව සිකුරාදා (30) දින අවසන් විය.

‘අපි වවමු - රට නගමු’ ජාතික වැඩසටහනට සමගාමිව ආරම්භ කළ මෙම වැඩසටහන සඳහා යුද්ධ හමුදා සාමාජිකයින් 30 දෙනෙකු සහභාගි වූ අතර, මෙහිදි පැළ සිටුවිම සහ තවාන් ශිල්පය පිළිබඳ ප්‍රායෝගික මෙන්ම න්‍යායාත්මක දැනුමක් ලබාදෙන ලදි.

සිකුරාදා (30) දින අඹේපුස්ස දිස්ත්‍රික් කෘෂිකර්ම පුහුණු ආයතනයේ පැවති ත්‍යාග ප්‍රදානෝත්සවය සඳහා යුද්ධ හමුදා වෘත්තීය පුහුණු මධ්‍යස්ථානයේ සේනාවිධායක බ්‍රිගේඩියර් රන්දුල හත්නාගොඩ, අඹේපුස්ස දිස්ත්‍රික් කෘෂිකර්ම පුහුණු ආයතනයේ අතිරේක අධ්‍යක්ෂිකා උත්පලා සමරකොන් මහත්මිය, එම ආයතනයේ සහකාර අධ්‍යක්ෂිකා ප්‍රියංගිකා මහත්මිය සහ වල්පිට කෘෂිකර්ම පුහුණු මධ්‍යස්ථානයේ සහකාර අධ්‍යක්ෂිකා ශාන්ති රණසිංහ මහත්මිය ඇතුලු නිලධාරීන් ද සහභාගි වූහ.