13th June 2021 12:14:22 Hours
අද (13) දින උදෑසන වනවිට ශ්රී ලංකාවෙන් කොවිඩ් - 19 ආසාදිත පුද්ගලයින් 2,354 දෙනෙකු හඳුනාගෙන ඇත. එම පුද්ගලයින් අතරින් පුද්ගලයින් 12 දෙනෙකු විදේශගතව සිට මෙරටට පැමිණි දේශීය පුද්ගලයින් වන අතර තවත් පුද්ගලයින් 02 ක් විදේශගතව සිට මෙරටට පැමිණි විදේශිකයින් වේ. ඉතිරි පුද්ගලයින් 2,340 දෙනා දේශීයව හඳුනාගත් ආසාදිතයින් ලෙස වාර්තා වේ. හඳුනාගත් ආසාදිතයින් අතරින් වැඩිම ආසාදිතයින් පිරිසක් ගම්පහ දිස්ත්රික්කයෙන් වාර්තා වන අතර, ඒ ආසාදිතයින් 561 ක් ලෙසය. ඊට අමතරව, කොළඹ දිස්ත්රික්කයෙන් ආසාදිතයින් 528 ක් සහ කලුතර දිස්ත්රික්කයෙන් ආසාදිතයින් 313 ක් වාර්තා වේ. අනෙක් ආසාදිතයින් 938 දෙනෙකු දිවයිනේ සෙසු දිස්ත්රික්ක වලින් වාර්තා වේ.
අද (13) දින උදෑසන වනවිට, ශ්රී ලංකාව තුළ කොවිඩ්-19 වෛරසය ආසාදනය වු සම්පුර්ණ ආසාදිතයින් සංඛ්යාව 221,276 ක් ලෙස වාර්තා වේ. ඒ අතරින් අළුත් අවුරුදු සමයෙන් පසු වාර්තා වූ ආසාදිතයින් සංඛ්යාව 123,779 වේ.
අද (13) දින උදෑසන 0600 වනවිට (පසුගිය පැය 24 තුළ) රෝහල්ගතව සහ අතරමැදි ප්රතිකාර මධ්යස්ථාන තුළින් පුද්ගලයින් 2,426 ක් පූර්ණ සුවය ලබා පිටව ගොස් ඇත.
අද (13) දිනයේදී ත්රිවිධ හමුදාව සහ හෝටල් තුළ පවත්වාගෙන යනු ලබන නිරෝධායන මධ්යස්ථාන 64 ක් තුළ පුද්ගලයින් 6,416 දෙනෙකු නිරෝධායනය වෙමින් සිටියි. එසේම, අද (13) දින උදෑසන 0600 වනවිට (පසුගිය පැය 24 තුළ) නිරෝධායන මධ්යස්ථාන 20 ක් තුළින් නිරෝධායනය වෙමින් සිටි පුද්ගලයින් 494 දෙනෙකු නිරෝධායන ක්රියාවලිය අවසන් කර නිවෙස් වෙත පිටව ගොස් ඇත.
අද (13) දින උදෑසන වනවිට (පසුගිය පැය 24 තුළ) ශ්රී ලංකාව තුළින් කිසිදු කොවිඩ්-19 ආසාදිත මරණයක් වාර්තා නොවන නමුත් මැයි මස 23 දින සිට මැයි මස 31 දින දක්වා සිදුවු කොවිඩ්-19 මරණ 12 ක් සහ ජුනි මස 01 දින සිට ජුනි මස 11 දින දක්වා සිදුවු කොවිඩ්-19 මරණ 51 ඇතුලුව මරණ 63 ක් වාර්තාවී ඇත.
අද (13) දින උදෑසන වනවිට දිවයින පුරා සම්පුර්ණයෙන් හුදෙකලා කර තිබු පොලිස් බලප්රදේශ 8 ක් සහ ග්රාම නිලධාරි වසම් 258 ක් හුදෙකලා තත්ත්වයෙන් ඉවත් කර ඇත. එසේම මේ වනවිට කුරුණෑගල දිස්ත්රික්කයේ පන්නල පොලිස් බලප්රදේශය තවදුරටත් සම්පුර්ණයෙන්ම හුදෙකලා කර ඇති අතර දිවයින පුරා ග්රාම නිලධාරී වසම් 93 ක් ද තවදුරටත් හුදෙකලා තත්ත්වයේ පවතී. මෙම මාධ්ය නිවේදනය නිකුත් කරන අවස්ථාව වනවිටත් තවදුරටත් දිවයිනපුරා පැනවු සංචරණ සීමාවන් ඒ අයුුරින්ම තවදුරටත් ක්රියාත්මක වේ.