04th March 2019 00:44:03 Hours
යාපනය ආරක්‍ෂක සේනා මූලස්ථානය විසින් ජාත්‍යන්තර කාන්තා දිනයට සමගාමීව ‘කාන්තා අයිතිවාසිකම් සහ කාන්තාවන්ට එරෙහි ප්‍රචණ්ඩත්වය’ පිළිබඳ කාන්තා ප්‍රජාව දැනුවත් කිරීමේ වැඩමුළුවක් පසුගිය සෙනසුරාදා (02) දින පැවැත්විණි.
7 වන ශ්‍රී ලංකා කාන්තා බලකායේ කාන්තා සෙබළියන් ඇතුළු යාපනය දිස්ත්‍රික්කයේ දමිළ කාන්තාවන් 100 කට අධික පිරිසක් සහභාගි වූ මෙම වැඩමුළුවේ දේශන යාපනය ආරක්‍ෂක සේනා ආඥාපති මේජර් ජෙනරාල් දුෂ්‍යන්ත රාජගුරු ගේ ආරාධනයකට අනුව ශ්‍රී ලංකා කාන්තා නීතිඥ සංගමයේ සභාපති සරෝජනි ඉලංගෝවින් මහත්මීය, ස්වර්ණා ජයවීර මහත්මීය සහ ශ්‍රී ලංකා කාන්තා නීතිඥ සංගමයේ අනෙකුත් සාමාජිකාවන් විසින් පවත්වනු ලැබීය.
මෙම වැඩමුළුව ශ්‍රී ලංකා කාන්තා නීතිඥ සංගමය සමඟ සම්බන්ධතාවයෙන් සංවිධානය කරන ලදී. මෙම වැඩමුළුවේ දේශන සඳහා යාපනය දිස්ත්‍රික්කයේ දමිළ කාන්තාවන් සහ යුද්ධ හමුදා කාන්තා සෙබළියන් 300 කට අධික පිරිසක් සහභාගි වූහ.
තවද මෙම වැඩමුළුව සඳහා යාපනය හිටපු දිස්ත්‍රික් විනිසුරු, යාපනය ආරක්‍ෂක සේනා මූලස්ථානයේ බ්‍රිගේඩියර් ප්‍රධාන මාණ්ඩලික බ්‍රිගේඩියර් ප්‍රියන්ත ගමගේ ඇතුළු යුද්ධ හමුදා සාමාජිකයින් රැසක් ද සහභාගි වූහ. Mysneakers | jordan Release Dates
