Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

වන්නි ආරක්ෂක සේනා මුලස්ථානයේ සම්බන්ධතාවයෙන් වෙහෙරතැන්න සිසුන්ට පාසල් උපකරණ සහ තෑගි පාර්සල්

ස්වාධීන රූපවාහිනී සේවය (ITN) සම්බන්ධිකරණයෙන් වවුනියාව, වෙහෙරතැන්න රොෂාන් මහානාම ප්‍රථමික විද්‍යාලයේ සිසුන් වෙත පාසල් පොත් පරිත්‍යාග කිරීමේ වැඩසටහනක් වන්නි ආරක්ෂක සේනා මුලස්ථානයේ භට පිරිස් විසින් බ්‍රහස්පතින්දා (02) දින පවත්වනු ලැබීය.

පාසල් පොත්, ලිපි ද්‍රව්‍ය සහ පුස්තකාල පොත් තොගයක් වෙහෙරතැන්න සහ අවට ප්‍රදේශයේ අඩු අදායම්ලාභි සිසුන් වෙත මෙහිදි බෙදාදෙනු ලැබීය.

වන්නි ආරක්ෂක සේනා ආඥාපති මේජර් ජෙනරාල් කුමුදු පෙරේරා විසින් ස්වාධීන රූපවාහිනී සේවය (ITN) ප්‍රධාන විධායක නිලධාරි චන්දන තිලකරත්න මහතාගෙන් කරන ලද ඉල්ලීමකට අනුව ‘හැදෙන රටක වැඩෙන ළමයි’ සහ ‘සිප්හලට පොත් ගුලක්’ වැඩසටහන් යටතේ වෙහෙරතැන්න ප්‍රදේශයේ සිසුන්ට මෙම පාසැල් උපකරණ බෙදා දී ඇත.

මෙම උත්සවය අතරතුරදි, ප්‍රදේශයේ අඩු ආදායම්ලාභි පවුල් සඳහා අත්‍යවශ්‍ය වියලි ආහාර සහ අනෙකුත් ද්‍රව්‍ය අඩංගු තෑගි පාර්සල් ද බෙදාදෙනු ලැබීය.

ශ්‍රී ලංකාවේ ප්‍රමුඛ රූපවාහිනි විකාශන සේවය වන ස්වාධීන රූපවාහිනී සේවය (ITN) සහ එහි කාර්ය මණ්ඩලය මෙම වැඩසටහන සඳහා අනුග්‍රහකත්වය දක්වනු ලැබීය.

මෙම අවස්ථාවට ප්‍රධාන ආරාධිත අමුත්තන් ලෙස වන්නි ආරක්ෂක සේනා ආඥාපති මේජර් ජෙනරාල් කුමුදු පෙරේරා සහ ස්වාධීන රූපවාහිනී සේවයේ ප්‍රධාන විධායක නිලධාරි චන්දන තිලකරත්න මහතා සහභාගි විය.

62 වන සේනාංකයේ සේනාංකාධිපති බ්‍රිගේඩියර් සංජය වනිගසිංහ ගේ මඟපෙන්වීම සහ 623 වන බලසේනාවේ අධීක්ෂණය යටතේ 26 වන ශ්‍රී ලංකා සිංහ රෙජිමේන්තුවේ නායකත්වයෙන් මෙම වැඩසටහන සංවිධානය කරනු ලැබීය.

ස්වාධීන රූපවාහිනී සේවය (ITN) ජ්‍යෙෂ්ඨ නිලධාරීන් සහ ජ්‍යෙෂ්ඨ කාර්ය මණ්ඩල සාමාජිකයින් සමඟින් ප්‍රවීණ රංගන ශීල්පි දිමුතු චින්තක ද මෙම අවස්ථාවට සහභාගි විය.

621, 622 සහ 623 වන බලසේනාවන්හි බලසේනාධිපතිවරුන්, අණදෙන නිලධාරින්, රොෂාන් මහානාම ප්‍රථමික විද්‍යාලයේ විදුහල්පති සහ කාර්ය මණ්ඩලය, අසල්වැසි පාසල් විදුහල්පතිවරුන් සහ ගුරුවරුන්, ස්වාධීන රූපවාහිනී සේවය (ITN) කාර්ය මණ්ඩලය සහ ගම්වාසින් විශාල පිරිසක් ද මෙම අවස්ථාවට පැමිණ සිටියහ.

යුද්ධ හමුදාවේ ඉල්ලීමකට අනුව හිටපු ලෝක ශුර ක්‍රිකට් ක්‍රිඩකයකු වන රොෂාන් මහානාම මහතා විසින් වවුනියාව දිස්ත්‍රික්කයේ වෙහෙරතැන්න ගම්මානයේ මෙම පාසල ඉදිකර තිබේ.

latest jordans | 【国内4月24日発売予定】ナイキ ウィメンズ エア アクア リフト 全2色 - スニーカーウォーズ