30th March 2016 17:00:44 Hours

පනාගොඩ යුද හමුදා ජනපදයට නව මුහුණුවරක්

යුද හමුදාපති ලුතිතන් ජෙනරාල් ක්‍රිෂාන්ත ද සිල්වාගේ යෝජනාවකට අනූව බටහිර ආරක්ෂක සේනා මූලස්ථානය විසින් පසුගියදා විවෘත කිරීමට යෙදුනු නව ශාරීරික අභ්‍යාස ක්‍රීඩාගාරයේ පැවති උත්සවය වෙනුවෙන් පනාගොඩ යුද හමුදා ජනපදය අලංකාරවත් ලෙස සකස් කිරීමට කටයුතු කෙරිනි. බටහිර ආරක්ෂක සේනා මුලස්ථාන ආඥාපති මේජර් ජෙනරාල් සුදන්ත රණසිංහගේ අධීක්ෂණය යටතේ මෙම අලංකරණ ව්‍යාපෘතිය තුලින් ගොඩනැගිලි සහ අවට පරිසරය චිත්තාකර්ශණීය හා අභිමානවත් ලෙස සකස් කිරීම සිදු කෙරිනි. පනාගොඩ යුද හමුදා ජනපදයේ ප්‍ර‍ධාන පිවිසුම අභියස නව නාම පුවරුවක් ඉදි කිරීම එහි පෞරාණිකත්වය ඉස්මතු කරවීමට සමත් වී ඇත. මේ අතර 1 වන ශ්‍රී ලංකා යුද හමුදා යුධෝපකරණ බලකායේ ආපන ශාලාව සහ අවට පරිසරය අලංකාරවත් ලෙස සකස් කොට ඇත්තේ එහි පිවිසෙන ඕනෑම අයෙක් තුල ප්‍ර‍ශංසාවක් ඇතිවන ලෙසය. එමෙන්ම මෙම ජනපදයේ පිවිසුම අභියස ඇති විනයාරක්ෂක මුර කුටිය ප්‍ර‍තිසංස්කරණය කොට ඇත්තේ නව පෙනුමක් එක් කරමිනි. පොදුවේ ගත් කල සියලු මාර්ග පද්ධති, පදික වේදිකා සහ අනෙකුත් ස්ථානවලට මෙන්ම වට රවුම්වලට ද නවතාවයක් ගෙනඒමට සමත් වී ඇත්තේ ඒවායෙහි අපැහැදිලි සංඥා, මාර්ග නාම පුවරු සහ හානියට පත් ස්ථාන නැවත මනා ලෙස පිළිසකර කර ඇති බැවිනි. මෙලෙස ප්‍ර‍තිසංස්කරණය සහ අලුත්වැඩියා කටයුතු සිදු කළ ස්ථාන වන්නේ සේවා ස්ථානය, ඉන්ධන පිරවුම්හල, හබරකඩ ප්‍ර‍ධාන පිවිසුම, මුතුකුමරු ස්මාරකය, ජලාශ මෙන්ම පොකුණු ඇතුළු අනෙකුත් වැදගත් ස්ථාන රැසකි. මෙම සියලු අලුත්වැඩියා සහ ප්‍ර‍තිසංස්කරණ කටයුතු වෙනුවෙන් වැය වී ඇත්තේ ඉතා අවම වියදමක් වන අතර, යුද හමුදාවෙන් හෝ රජයෙන් ඒ වෙනුවෙන් කිසිදු වැයවීමක් සිදු වී නොමැත.short url link | Nike Shoes

Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

පනාගොඩ යුද හමුදා ජනපදයට නව මුහුණුවරක්

Sinhala Footer

රාජ්‍ය අංශය

ආරක්ෂක

සුබසාධන