07th November 2015 14:17:20 Hours

ආරක්ෂක සේවා විද්‍යාලය සඳහා නව නේවාසිකාගාර සංකීර්ණයක් ඉදි කෙරේ

කොළඹ 02 පිහිටි ආරක්ෂක සේවා විද්‍යාලයෙහි ඉදි කිරීමට නියමිත නව නේවාසිකාර සංකීර්ණය සඳහා සිකුරාදා (6) දින උදෑසන ආගමික වතාවත් මධ්‍යයේ මුල්ගල තබනු ලැබීය. මෙම අවස්ථාවෙහි ප්‍රධාන ආරාධිත අමුත්තා ලෙස ආරක්ෂක අමාත්‍යාංශයෙහි සහ ආරක්ෂක සේවා විද්‍යාලයෙහි ආරාධනයෙන් ආරක්ෂක රාජ්‍ය අමාත්‍ය රුවන් විජේවර්ධන මැතිතුමා සහභාගි වූ අතර, එම අවස්ථාව සඳහා ආරක්ෂක ලේකම් කරුණාසේන හෙට්ටිආරච්චි මහතා, ආරක්ෂක අමාත්‍යාංශ නියෝජ්‍ය ලේකම් එස් හෙට්ටිආරච්චි මහතා, යුද, නාවික සහ ගුවන් හමුදාපතිවරුන්, යුද හමුදා විධායක ජෙනරාල්, ත්‍රිවිධ හමුදාවේ ජ්‍යෙෂ්ඨ නිළධාරීන්, අධ්‍යාපන අමාත්‍යාංශ නිළධාරීන්, ආරක්ෂක සේවා විද්‍යාලයේ විදුහල්පති සමගින් ආචාර්ය මණ්ඩලය සහ සිසු සිසුවියන් බොහෝ පිරිසක් ද සහභාගි වූහ. සිව් මහල් සංකීර්ණයකින් සමන්විත මෙම නේවාසිකාගාරයෙහි සිසුන් 554 දෙනෙකු සඳහා නේවාසික පහසුකම් ලබා ගත හැකි අතර, රුපියල් මිලියන 603 ක් පමණ වැය කරමින් ඉදි කිරීමට නියමිත මෙම ව්‍යාපෘතිය 2018 වර්ෂයේ නිම කිරීමට නියමිතය. මේ සඳහා ශ්‍රමදායකත්වය 6 වන ඉංජිනේරු සේවා රෙජිමේන්තු සෙබලුන් විසින් සහ විශේෂඥ සහය පෞද්ගලික අංශයෙන් ලබා ගැනීමට නියමිතය. මෙහිදී සම්භාවනීය අමුත්තන් ප්‍රමුඛ ප්‍රධාන ආරාධිත අමුත්තා විසින් සෙත් පිරිත් සජ්ජායනා මධ්‍යයේ නේවාසිකාලාර සංකීර්ණය සඳහා මුල්ගල තබනු ලැබීය. මෙහිදී ශිෂ්‍යාවන් විසින් බුලත් හුරුල්ලක් පිළිගන්වා ප්‍රධාන ආරාධිත අමුත්තා පිළිගනු ලැබීය.affiliate tracking url | plain white nike air force ones women high top Colorways, Release Dates, Price , Gov

Header Block Sinhala

ශ්‍රී ලංකා යුද්ධ හමුදාව

ජාතියේ ආරක්ෂකයා

ආරක්ෂක සේවා විද්‍යාලය සඳහා නව නේවාසිකාගාර සංකීර්ණයක් ඉදි කෙරේ

Sinhala Footer

රාජ්‍ය අංශය

ආරක්ෂක

සුබසාධන