2019-10-10 12:23:35
ඔක්තෝබර් මස 10 වන දිනට යෙදුණු 70 වන යුද්ධ හමුදා දිනය 23 වන යුද්ධ හමුදාධිපති ලුතිනන් ජෙනරාල් ශවේන්ද්ර සිල්වා ගේ ප්රධානත්වයෙන් අද (10) දින උදෑසන ගාලුමුවදොර පිටියේදී වර්ණවත් පෙළපාළියක් සමගින් අභිමානවත් අයුරින් සමරනු ලැබීය. එහිදී, 70 වසරක යුද්ධ හමුදා ඉතිහාසයේ ප්රථම වතාවට නිලධාරීන් 210 ක් සහ සෙසුනිලයින් 7000 කට නිල උසස්වීම් සහ නිල ස්ථිර කිරිම් සිදු කරන බවට යුද්ධ හමුදාධිපතිතුමන් අවධාරණය කළේය.
2019-10-09 22:00:24
නිර්භීතකම, කැපවීම සහ පරාර්ථකාමීත්වයෙන් යුතුව අසමසම වාර්තා රැසක් අත්පත් කරගත් ශ්රී ලංකා යුද්ධ හමුදාව බ්රහස්පතින්දා (ඔක්තෝබර් මස 10) දින සිය 70 වන යුද්ධ හමුදා දිනය අභිමානවත් අයුරින් සමරනු ලබයි. බ්රිගේඩියර් ආර්. සින්ක්ලෙයාර් ගේ අණදීම යටතේ පළමු නිත්ය බලසේනාව පිහිටුවීමෙන් පසුව 1949 ඔක්තෝබර් 10 වන දින ලංකා හමුදාව ලෙස ශ්රී ලංකා යුද්ධ හමුදාව ආරම්භ කරන ලදී. දියතලාවේදී යුද්ධ හමුදා විද්යාපිඨය පිහිටුවීමත් සමඟ බ්රිගේඩියර් ඇන්ටන් මුතුකුමරු ලංකා හමුදාවේ ප්රථම ශ්රී ලාංකික හමුදාධිපති ලෙස පත්විය.
2019-10-08 23:38:28
ඔක්තෝම්බර් මස 10 වන දිනට යෙදෙන 70 වන යුද්ධ හමුදා සවත්සරයට සමගාමීව මාතෘභූමිය වෙනුවෙන් දිවිපිදු විරෝදාර රණවිරුවන් සිහිපත් කිරීමේ රණවිරු අනුස්මරණ උත්සවයක් යුද්ධ හමුදාධිපති ලුතිනන් ජෙනරාල් ශවේන්ද්ර සිල්වා ගේ ප්රධානත්වයෙන් අද (08) දින සන්ධ්යාවේ බත්තරමුල්ල රණවිරු ස්මාරකය අභියසදී පැවැති අතර එම අවස්ථාවට යුද්ධ හමුදා සාමාජිකයින් සියගණනක් සහභාගි වූහ.
2019-10-08 12:00:47
යුද්ධ හමුදා 70 වන සංවත්සරයට සමගාමීව ශ්රී ලංකා යුද්ධ හමුදා බෞද්ධ බලමණ්ඩලය විසින් ඉකුත් සඳුදා (7) දින සන්ධ්යාවේ පනාගොඩ ශ්රී බෝධිරාජාරාමයේ දී (යුද්ධ හමුදා විහාරස්ථානය) සංවිධානය කරන ලද සර්වරාත්රික පිරිත් සජ්ඣායනාවට යුද්ධ හමුදා සාමාජිකයින් සහ ඔවුන්ගේ පවුල්වල සාමාජිකයින් විශාල පිරිසක් සහභාගී වූහ.
2019-10-07 14:58:23
යුද්ධ හමුදාධිපති ලුතිනන් ජෙනරාල් ශවේන්ද්ර සිල්වා සිය ධුරයේ රාජකාරි භාරගැනීමෙන් අනතුරුව ගුවන් හමුදාධිපති එයාර් මාර්ෂල් සුමංගල ඩයස් හමුවීම සඳහා අද (7) දින උදෑසන ශ්රී ලංකා ගුවන් හමුදා මුලස්ථානයේ සිදු කළ සිය ප්රථම නිළ සංචාරයේදී යුද්ධ හමුදාධිපතිතුමන්ව ඉතා උණුසුම් අයුරින් පිළිගනු ලැබීය.
2019-10-06 07:44:31
70 වන යුද්ධ හමුදා සංවත්සරයට සමගාමිව යුද්ධ හමුදා ධජයන්ට සෙත් පැතීමේ ආශිර්වාද පූජාවක් සෙනසුරාදා (05) දින සන්ධ්යාවේ ඵෙතිහාසික කතරගම කිරිවෙහෙර දාගැබ අභියසදී හා කතරගම දේවාල පරිශ්රයේදී පැවැති අතර කතරගම පූජාභූමිය අලංකාරවත් කරමින් යුද්ධ හමුදා ධජ පෙරටු කරගත් යුද්ධ හමුදා නිලධාරීන් සහ සෙසුනිලයින් යුද්ධ හමුදා දිනයට (ඔක්තෝම්බර් මස 10 දිනට යෙදුණු) ආශිර්වාද එක්කිරීම සඳහා බැතිමතුන් සමඟ එක්විය.
2019-10-04 11:51:20
යුද්ධ හමුදා සාමාජිකයින් අතර විනය හා හැසිරීම උසස් මට්ටමක පවත්වාගැනීමේ අරමුණින් පවත්වනු ලැබූ අන්තර් රෙජිමේන්තු සරඹ, තුර්යවාදක කණ්ඩායම් සහ පියවර කෝදු තරඟාවලිය ශ්රී ලංකා යුද්ධ හමුදාවේ වඩාත් දර්ශනීය අංගයක් ලෙස ඉකුත් බ්රහස්පතින්දා (03) දින සන්ධ්යාවේ පනාගොඩ, ශ්රී ලංකා පාබල හමුදා රෙජිමේන්තු සරඹ භූමියේදී පැවැත්විණි.
2019-10-01 13:11:16
ඔක්තෝබර් මස 10 දිනට යෙදි තිබෙන 70 වන යුද්ධ හමුදා සංවත්සර සැමරුමට සමගාමීව සියලු යුද්ධ හමුදා ධජයන්ට ආශිර්වාද එක්කිරීමේ අරමුණින් පැවැති දෙවැනි ආගමික උත්සවය සම්ප්රදායික ‘හේවිසි’ සහ ‘මඟුල් බෙර’ හඬ මධ්යයේ ඓතිහාසික අනුරාධපුර ජය ශ්රී මහා බෝ සමිඳුන් අභිමුවෙහිදී අඟහරුවාදා (01) දින උදෑසන පැවැත්විණි.
2019-09-28 18:27:45
ශ්රී ලංකාවේ ප්රමුඛතම සේවා සපයන්නා මෙන්ම මාතෘභූමියේ ආරක්ෂකයා ලෙස නිර්භීත හා පරාර්ථකාමී පරිත්යාගයන් සිදුකරමින් පසුගිය දිනවල අසමසම වාර්තාවන් පිහිට වූ ශ්රී ලංකා යුද්ධ හමුදාවේ 70 වන යුද්ධ හමුදා දිනයට (ඔක්තෝම්බර් 10) සමගාමීව වර්ණ ධජයන්ට ආශීර්වාද කිරීමේ ප්රථම ආගමික වැඩසටහන අද (28) දින උදෑසන යුද්ධ හමුදාධිපති ලුතිනන් ජෙනරාල් ශවේන්ද්ර සිල්වා ගේ ප්රධානත්වයෙන් මහනුවර ශ්රී දළඳා මාළිගාවේදී පවත්වනු ලැබීය.
2019-09-24 17:39:51
ශ්රී ලංකා යුද්ධ හමුදාවට ගෞරවයක් එක්කරමින් අද (24) දින උදෑසන කොළඹ සිනමන් ග්රෑන්ඩ් හෝටලයේදී ආරම්භ වූ ‘7 වන වාර්ෂික සයිබර් ආරක්ෂණ සමුළුව - 2019’ හි සමාරම්භක දේශනය සිදුකිරීම සඳහා ගෞරවනීය ආරාධිතයෙකු ලෙස යුද්ධ හමුදාධිපති ලුතිනන් ජෙනරාල් ශවේන්ද්ර සිල්වා සහභාගි විය.